Мұғалімдер күні қарсаңында облыстық "Жыл мұғалімі-2024" конкурсының қорытындысы жарияланды. Конкурс Павлодар облысының білім беру басқармасы мен Білім беруді дамытудың инновациялық орталығының ұйымдастыруымен өткізілді. Конкурс қорытындысы бойынша гимназиямыздың қазақ тілі пәнінің мұғалімі Есенгожина Акмарал Еркеновна Бас жүлдеге ие болды. Жеңіс құтты болсын!

Ұстаздар күні қарсаңында гимназияның тұңғыш директоры Рымкеш Хамитовна Сламбекова “Еңбек ардагері” төсбелгісімен, Кульжайнат Бекежановна Тулеубаева “Ыбырай Алтынсарин” төсбелгісімен, Ақмарал Еркеновна Есенгожина “Жыл мұғалімі” облыстық байқауының Бас жүлдесіне ие болды. Құттықтаймыз!

Дублер күні мұғалімдеріміз трендтен де қалмай қоңырауды көңілді өткізуде

Ұстаздар күні қарсаңында 8”Б” сынып оқушылары сүйікті мұғалімдерін ерекше құттықтады. Ұстаз болу — жүректің батырлығы, Ұстаз болу — сезімнің ақылдығы Ұстаз болу — мінездің күн шуағы Ұстаз болу — адамның асылдығы.

Өскелең ұрпаққа рухани азық беріп, тұлғалық қасиеттерін қалыптастыру мақсатында гимназия оқушылары Қарағанды облыстық театрының «Қара пима» және “Мұзды өлке” спектаклін тамашалады. Поэманың аты мен оның трагедиялық сипаты – кейіпкерлердің өмірдегі, қоғамдағы орындары, ар-намыстары мен ішкі сезімдері туралы терең ой салуға итермелейді. Қойылым оқушыларға ұнады, қоғамдағы мәселелерге зерделі қарауға ықпал етті.

Ұстаздар күні мерекесіне орай “Даналық ұстаздан” челленджіне гимназия оқушылары белсене қатысып, мұғалімдеріне деген құрметі мен сүйіспеншілігін ән арқылы білдірді.

Тілдер апталығы аясында 7-сыныптарының қатысуымен “Алтын сақа” сайысы ұйымдастырылды. Сайыс барысында 5 тақырыпқа сай тапсырмалар беріліп, ұпай саны бойынша жеңімпаздар анықталды. Жоғары ұпай жинап алға шыққан 7а сынып 1- орын; 7ә сынып 2-орын; 3-орынды 7б сынып оқушылары иеленді. Жеңімпаздар дипломдар мен тәтті сыйлықтармен марапатталды. Сайыс мазмұнды өтті.

Еңбек күніне орай гимназия оқушылары қызметкерлерімізге құрмет көрсете отырып, тазалық науқанына белсене қатысты. Осындай игі іске қолдау көрсеткен ата-аналарға алғыс білдіреміз. “Еңбегі жақсының, өнбегі жақсы” демекші еңбектің нәтижесі тек жақсылыққа әкеледі.

Қазақстан Республикасы Президентінің Жарлығымен Қазақстанда қыркүйек айының соңғы жексенбісі «Еңбек күні» мерекесі болып белгіленді. Гимназияның Парламент мүшелері мен жоғары сынып оқушылары қызметкерлерге құрмет көрсетіп, таңертең құттықтап қарсы алды. Барлық оқушылар еңбек күніне белсене қатысып, өз үлесін қосты. Еңбектеріңіз үшін алғыс білдіреміз!

26 қыркүйек күні “Бала қауіпсіздігі-қоғам келешегі” тақырыбында жалпы мектепішілік ата-аналар жиналысы өтті. Ата-аналарды қолдау орталығы мүшелері, қазіргі кезде қоғамды алаңдатып отырған өзекті мәселелердің бірі –балаларға әлеуметтік желіден төніп отырған қауіптің алдын алуға ерекше көңіл бөлді. Жиналыс барысында ата-аналарға балаларының қауіпсіздігін қамтамасыз етіп, оларды әлеуметтік медиа мен интернеттің зиянды әсерінен қорғауға қажет бағдарламалар, ата-ана бақылауын қолдану ерекшеліктері т

Тілдер апталығы аясында 5 сыныптар арасында “Мақал-сөздің мәйегі” атты сайыс ұйымдастырылды. Оқушылар бірнеше кезеңнен тұратын сайыста: суретке қарап жасырылған мақалды табу, сөздерден еңбек туралы мақал құрастыру, шарда жасырылған нақыл сөзді анықтау, көгершін хатындағы мақалдың мағынасын ашу сияқты тапсырмаларды орындап, көбірек ұпай жинауға тырысты. Жеңімпаздар апталықтың қорытындысы бойынша марапатталады.

Гуманитарлық пәндер бірлестігі аясында 6а, 6ә, 6б сынып оқушыларымен «Аяз би» ертегісі бойынша Квест ойыны ұйымдастырылды. Ойын барысында 5 аялдамада мынадай тапсырмалар берілді: сөзжұмбақ шешу, филлворд, сәйкестендіру, дұрыс не бұрыс, суретпен жұмыс, білімділер бәйгесі. Оқушылар ойынға қызығушылық білдіріп, белсене қатысып, берілген тапсырмаларды жоғары деңгейде орындап шықты.