Республика күні қарсаңында барлық сыныптарда “Менің Отаным - Қазақстан” бірыңғай сынып сағаты өтті.

Республика күні қарсаңында оқушылар арасында асық ойындары ұйымдастырылды.

Гимназия мұғалімдеріне “Жасанды интеллект білім саласында” атты семинар-практикум ұйымдастырылды. География пәні мұғалімі А.Альдекенова мен информатика пәні мұғалімі Ж. Ахметова lumio, copilot,Chat GPT, Gamma.app т.б платформалар арқылы презентация, танымдық ойын, суреттер жасау әдістері таныстырып, практикалық тапсырмалар орындатты.

16 қазан Әлкей Марғұлан университетінің мамандары кәсіптік бағдарлау бойынша 10-11 сынып оқушыларымен кездесті. Университеттің артықшылықтары мен білім беру ерекшеліктері, мемлекеттік және басқа да грант түрлері, тәжірибе алмасу, шетелде білімін жетілдіру туралы толық түсіндіріп өтті.

“Ақсу электр жүйесі” компаниясы 5-6 сынып оқушыларымен “Электр құрылғылары және қауіпсіздік” тақырыбында түсіндіру жұмысын жүргізді.

Гимназиямыздың “Экстрим” туризм тобы ІІ облыстық кешенді гимназиядасында жазғы спорттық бағдарлаудан жүлделі 2-командалық орынды иеленді. Ал жеке есепте Мустаханов Расул, Мухаметгалиева Сания, Нүкен Аяла жүлделі орындарды жеңіп алды. Жетекшісі А.Б. Мухитова. Құттықтаймыз!

7-11 қазан аралығында “Жас мамандар” мектебінің жоспары негізінде жас мамандар тәжірибелі ұстаздар физика мұғалімі Атик Б.В., математика мұғалімі Жұмагельдинова Ш.М., география мұғалімі Альдекенова А.Т., қазақ тілі мұғалімі Есенгожина А.Е., орыс тілі мұғалімі Тулеубаева К.Б. сабақтарына қатысты.

Қазан айының жоспарына сәйкес, Қайырымдылық жәрмеңкесі ұйымдастырылды. 5-6 сынып оқушылары отбасында дайындалған дәмді тағамдарын ұсынды. Барлық жиналған қаражат қайырымдылыққа жұмсалады. Қолдау көрсеткен ата-аналарға алғыс білдіреміз.

Мектебімізде 8-10 сыныптар арасында “Алтын күз” мерекесі өтті. Әр сынып өз жұптарын ән-бимен, өлеңмен таныстырып, асқан шығармашылық көрсетті. Әр жұпқа берілген кейіпкерлер туралы бейнебаян түсіріп, салт-дәстүрлер туралы сұрақтарға жауап берді. Жеңімпаздар мен белсенді қатысушы жұптар дипломмен және тәтті сыйлармен марапатталды.

Дәстүрлі “Күз Ханшайымы” байқауы 5-7 сыныптар арасында өтті. Қатысушы қыздарымыз өздерін таныстыра отырып, сыныппен бірге өнерлерін ортаға салды. Сонымен қатар жеміс-жидек, табиғи материалдардан жасалған күзгі композицияны қорғады. Байқау нәтижесі: 1 орын 6”Б” сынып оқушысы Әділхан Ақжарқын; 2 орын 6”А” сынып оқушысы Оралбекова Мерей; 3 орын 6”Ә” сынып оқушысы Калемшарив Нұрай.

5 сынып оқушылармен "Дос болайық бәріміз" атты тренингтер ұйымдастырылды. Тренингтердің мақсаты оқушылардың бойына достық, серіктестік, сыныптастарына қатысты сыйластық қарым-қатынас сезімде...

11-13 жастағы қыз балаларға “Адам папилломасы вирусына қарсы вакцинация” тақырыбында Ақсу қалалық санитарлық эпидемиологиялық бақылау мамандары дәріс өткізді.