Гимназиямыздың “Экстрим” туризм тобы ІІ облыстық кешенді гимназиядасында жазғы спорттық бағдарлаудан жүлделі 2-командалық орынды иеленді. Ал жеке есепте Мустаханов Расул, Мухаметгалиева Сания, Нүкен Аяла жүлделі орындарды жеңіп алды. Жетекшісі А.Б. Мухитова. Құттықтаймыз!

7-11 қазан аралығында “Жас мамандар” мектебінің жоспары негізінде жас мамандар тәжірибелі ұстаздар физика мұғалімі Атик Б.В., математика мұғалімі Жұмагельдинова Ш.М., география мұғалімі Альдекенова А.Т., қазақ тілі мұғалімі Есенгожина А.Е., орыс тілі мұғалімі Тулеубаева К.Б. сабақтарына қатысты.

Қазан айының жоспарына сәйкес, Қайырымдылық жәрмеңкесі ұйымдастырылды. 5-6 сынып оқушылары отбасында дайындалған дәмді тағамдарын ұсынды. Барлық жиналған қаражат қайырымдылыққа жұмсалады. Қолдау көрсеткен ата-аналарға алғыс білдіреміз.

Мектебімізде 8-10 сыныптар арасында “Алтын күз” мерекесі өтті. Әр сынып өз жұптарын ән-бимен, өлеңмен таныстырып, асқан шығармашылық көрсетті. Әр жұпқа берілген кейіпкерлер туралы бейнебаян түсіріп, салт-дәстүрлер туралы сұрақтарға жауап берді. Жеңімпаздар мен белсенді қатысушы жұптар дипломмен және тәтті сыйлармен марапатталды.

Дәстүрлі “Күз Ханшайымы” байқауы 5-7 сыныптар арасында өтті. Қатысушы қыздарымыз өздерін таныстыра отырып, сыныппен бірге өнерлерін ортаға салды. Сонымен қатар жеміс-жидек, табиғи материалдардан жасалған күзгі композицияны қорғады. Байқау нәтижесі: 1 орын 6”Б” сынып оқушысы Әділхан Ақжарқын; 2 орын 6”А” сынып оқушысы Оралбекова Мерей; 3 орын 6”Ә” сынып оқушысы Калемшарив Нұрай.

5 сынып оқушылармен "Дос болайық бәріміз" атты тренингтер ұйымдастырылды. Тренингтердің мақсаты оқушылардың бойына достық, серіктестік, сыныптастарына қатысты сыйластық қарым-қатынас сезімде...

11-13 жастағы қыз балаларға “Адам папилломасы вирусына қарсы вакцинация” тақырыбында Ақсу қалалық санитарлық эпидемиологиялық бақылау мамандары дәріс өткізді.

Ардагер ұстаз, гимназиямыздың тұңғыш басшысы Рымкеш Хамитовна Сламбекова Ұстаздар күні қарсаңында “Еңбек ардагері” төсбелгісімен марапатталды. Құттықтаймыз!

Ұстаздар күні қарсаңында Кульжайнат Бекежановна Тулеубаева білім саласында жеткен зор жетістіктері үшін “Ыбырай Алтынсарин” төсбелгісімен марапатталды. «Ыбырай Алтынсарин» төсбелгісі – білім беру саласындағы елеулі еңбегі үшін берілетін ең беделді марапаттардың бірі. Кульжайнат Бекежановнаның осындай марапатқа ие болуы оның білім саласындағы қажырлы еңбегінің айқын дәлелі. Ұстаз жолы – ұлы жол, ал Кульжайнат Бекежановна сол жолда жүрген нағыз кәсіби маманның үлгісі.

Ұстаздар күні 2024

Тілдер апталығы қарсаңында 8-сыныптар арасында “Сөз мерген “ танымдық ойыны өтті. Оқушылардың танымдық қабілеттерін дамыту, ой өрісін кеңейту, мақал- мәтелдер, тұрақты сөз тіркестері және көнерген сөздердің мағынасын ашу мақсаты көзделді. Ойын қорытындысында 8а сыныбы алда көрініп, 8ә сыныбы 2-орынды иеленсе, 3-орынға 8б сыныбы оқушылары тұрақтады.

Тілдер апталығының аясында ағылшын тіліндегі дебат үйірмесінің 8-9 сынып оқушылары арасында «This house believes that all cartoons and films for children must be dubbed into the national language» тақырыбында дебат ойыны өтті. Пікірсайыста 9 сынып «Fantasy» командасы үкімет фракциясы және «Zenith» оппозиция фракциясы ретінде кездесті. Ойын нәтижесінде қатысушыларға тәтті сыйлықтар табысталды.