2014-2015 оқу жылы

- Good afternoon, dear teachers, students and guests. Let’s begin our game “Сынып дарабозы”. Сәлеметсіздер ме құрметті мұғалімдер, оқушылар және қонақтар. “Сынып дарабозы” атты үш тілде өткізілетін интеллектуалдық ойынымызға қош келдіңіздер. Ойынға қатысатын топтарға өздерін таныстыруға сөз кезегін береміз.

1- маусым балаларды қорғау күні Ақсу қаласының білім бөлімінің ұйымдастыруымен қалалық минифутболдан 7-8 сыныптар арасында жарыс өтті. Гимназияның оқушылары жүлделі ІІІ орынды иеленді. Жаттықтырушысы Зупар Жанибек. Құттықтаймыз!

1-маусым Балаларды қорғау күні Ақсу қаласы гимназиясында «Балдәурен» жазғы сауықтыру лагері балаларға есігін айқара ашты. Жазғы лагерь 2 маусым жұмыс жасайды. Лагерьде барлығы 50 оқушы 3 мезгіл тамақпен, түскі ұйқымен, қызықты ойын-сауық шараларымен, сауықтыру жаттығуларымен қамтылған. Балаларды қорғау күні гимназияда жазғы лагердің ашылуы өткізіліп, балалар ертегі кейіпкерлерімен бірге түрлі қозғалмалы ойындар ойнады.

2015 жылдың 25 мамыр күні гимназияда оқу жылының аяқталуына орай “Сыңғырла тағы да, соңғы қоңырау” атты салтанатты жиын өтті. Салтанатты жиынға Ақсу қалалық маслихат хатшысы Омаргалиев Мәдениет Қабылдаұлы, ардагер ұстаздарымыз Сламбекова Рымкеш Хамитқызы, Кожабекова Рымкеш Нуриденовна, ұстаздар, ата-аналар қатысты. Ерекше жетістігі бар оқушылар мақтау қағаздарымен марапатталды.

Гимназия кітапханасында «Бір ел – бір кітап» акциясы аясында «Қазақ прозасының майталманы» атты әдеби – саяхат өткізілді. Мақсаты: оқырмандарды жазушының шығармаларымен таныстыру. Өмірбаяны мен шығармашылығына деген қызығушылықтарын туғызу. Шара басында кітапханашы жазушының өмірі және шығармашылық жолы туралы қысқаша әңгімелеп, кітаптарынан үзінділер оқып оқырмандармен талқылады.

Дарынды балаларға арналған мамандандырылған гимназия оқушыларына таратылатын газет, №4, 2014-2015 оқу жылы, /тоқсанында бір рет шығарылады/

Дарынды балаларға арналған мамандандырылған гимназия оқушыларына таратылатын газет, №2, 2014-2015 оқу жылы, /тоқсанында бір рет шығарылады/

Қазақстан Республикасы Білім және ғылым министрлігінің 19.03. 2004 жылғы «Қазақстан Республикасының жалпы білім беру мектептерінде Үш тілді оқытуды енгізу бойынша эксперимент жүргізу туралы» №228 бұйрығына сәйкес гимназияда 1 қыркүйек 2005 – 2006 оқу жылынан бастап «Үш тілде оқыту» эксперименті 7 сыныпқа енгізілді.

Елбасы 2006 жылдың қазанында өткен Қазақстан халқы ассамблеясының XII құрылтайында «Үш тұғырлы тіл» туралы идеяны жария етті. Бұл идеяның негізі мынадай: Қазақстанды бүкіл әлем халқы үш тілді бірдей пайдаланатын жоғары білімді мемлекет ретінде тануы керек. Яғни мемлекеттік тілді дамытамыз, орыс тілін қолдаймыз және ағылшын тілін үйренеміз. Үштұғырлы тіл өмірлік қажеттіліктен туындаған идея.

2014 жылы 9 желтоқсан күні гимназияда «Көптілділік білім беру - зияткер ұлтты қалыптастыруға жетелейтін жол» атты облыстық семинар өтті. Семинарға облыс мектептерінен 20 ұстаз қатысты. Физика пәнінен 7 «А» және 9 «Ә» сыныптарында физика пәнінің мұғалімі Кабылбекова А.С., жаратылыстану пәнінен 5 «А», биология пәнінен 6 «А» сыныптарында биология пәнінің мұғалімі А.Т.Турғанбекова, ағылшын тілі пәнінен мұғалімі Р.С. Сыздыкбаева кіріктілінген сабақтар өткізді.

2014 жылдың 15 мамыр күні ҚР БжҒМ Мектепке дейінгі және орта білім департаментінің қолдауымен «Study INN» Cambridge University Press (CUP) білім беру компаниясы Астана қаласында «Қазақстан Республикасының жалпы білім беретін және функционалды сауаттылықты дамыту шеңберінде ағылшын тілін оқытуды кіріктіру» атты халықаралық конференциясын өткізді. Конференцияға физика мұғалімі Кабылбекова Алмагүл Серикбаевна және ағылшын тілі мұғалімі Уажанова Ботагоз Болатовна қатысып келді.