Биылғы жылы Қазақстан бойынша өткізілетін «Бір ел – бір кітап» акциясы аясында белгілі қаламгер Сайын Мұратбековтың "Жусан иісі" атты шығармасы таңдалынып алынды.

Гимназия кітапханасында «Бір ел – бір кітап» акциясы аясында  «Қазақ прозасының майталманы» атты әдеби – саяхат өткізілді.

Мақсаты: оқырмандарды жазушының шығармаларымен таныстыру. Өмірбаяны мен шығармашылығына деген қызығушылықтарын туғызу.

Шара басында кітапханашы жазушының өмірі және шығармашылық жолы туралы қысқаша әңгімелеп, кітаптарынан үзінділер оқып оқырмандармен талқылады. Жазушының әр жылдарда жарық көрген «Жусан иісі», «Жабайы алма», «Басында Үшқараның» және т.б. туындыларына тоқталып, мағлұмат берді. Шараны жалғастыра отырып, оқырмандар назарына жазушының өмір жолы туралы слайд тұсаукесерін ұсынды.