Республикалық сырттай оқу мектебінің оқу жоспарына сәйкес қазақ тілі мен әдебиеті, физика пәндерінен 2013-2014 оқу жылы аяқталды. Үздік оқушылар 23-28 маусым аралығында Алматы қаласындағы мәдени-танымдық жазғы профильдік мектебіне шақырылды. Бейімдік ауысымның қорытындысы бойынша 9-сынып оқушысы Есимханова Айгерим қазақ тілі мен әдебиеті пәнінен және 10-сынып оқушысы Маденов Аян физика пәнінен І орынды иеленді.

2014 жылғы 18 маусымда облыстың барлық мектептерінде мектепті бітіру кеші өтті. Гимназия қабырғасынан 20 түлегіміз болашаққа жолдама алды. Ақсу қаласы және Ақсу ауданының мектептерінің түлектеріне арналған салтанатты кеш Мемлекеттік рәміздер алаңында өтті. Ақсу қаласының әкімі Қайрат Теміршотұлы Нүкенов барлық түлектерді салтанатты түрде құттықтады.

1-маусымнан бастап гимназияда «Балдәурен» жазғы сауықтыру лагері өз жұмысын бастады. Сауықтыру лагері екі ауысымда жұмыс жасайды. І ауысым 1.06-20.06, ІІ ауысым 23.06-11.06 аралығында жұмыс істейді. І мауысымда 1-4 сыныптар арасында 75 оқушы, яғни 3 топ жұмыс жасайды. Әр топтың аты, ұраны таңдалды және жетекшісі тағайындалды.

2014 жылдың 26-мамыр күні гимназияда қорытынды әдістемелік кеңес өтті. Әдістемелік кеңесте директордың ғылым жөніндегі орынбасарының міндетін атқарушы К.Б.Тулеубаеваның жыл бойы істелген жұмыстар бойынша есебі тыңдалды. Гимназия директоры М.А.Касенова 2013-2014 оқу жылының қорытындысы бойынша бұйрықпен таныстырып өтті.

2014 жылдың 25 мамыр күні гимназияда оқу жылының аяқталуына орай “Сыңғырла тағы да, соңғы қоңырау” атты салтанатты жиын өтті. Салтанатты жиынға қалалық маслихат хатшысы Омаргалиев Мәдениет Қабылдаұлы, ардагер ұстазымыз Сламбекова Рымкеш Хамитқызы, оқушылар, ұстаздар, ата-аналар қатысты. Мектеп директоры Мария Абдуқадырқызы оқушылар мен ұстаздарды мерекелерімен құттықтап, ақ тілегін жеткізді.

22-маусым күні 4-сыныптарта «Бастауыш сыныппен қоштасу» кеші өткізілді. 4-сыныпты 40 оқушы аяқтады. Оқушылар білім нәрімен сусындатқан ұстаздарына алғыстарын білдіре отырып, өз өнерлерін ортаға салды. 5-сыныпта жетекшілік ететін сынып жетекшілерімен таныстырылды. Ата-аналар тарапынан ұстаздарына алғыстар айтылды.

2014 жылдың 7.05-17.05 аралығында Ақтөбе қаласында «Қазхром» ТҰҚ АҚ филиалы – Ақтөбе ферроқорытпа зауытының ұйымдастырумен «Айналайын - 2014» жас таланттар фестиваль-байқауы өтті. Осы байғауға Ақсу Ферроқорытпа зауытының намысын қорғау үшін гимназияның «Айгөлек» би тобы қатысқан. Бүлдіршіндеріміз хореография номинациясы бойынша жүлделі І орынға иеленді. «Айгөлек» би тобының жетекшісі Динара Нигматулловнаға Алғыс хат берілді.

2014 жылдың мамыр айында М.М.Катаев атындағы Оқушылар сарайының негізінде «Жас ұлан» облыстық балалар мен жасөспірімдер ұйымы» қоғамдық біллестігі ұйымдастырған облыстық «Жобалар шеруі - 2014» сайысы өткізілді. Сайыстың қорытындысы бойынша гимназияның 9-сынып оқушылары Ермек Ә. пен Қабылбекова А. ІІ орынға (жетекшісі Муханова У.К.), 10-сынып оқушысы Каиржанова А. (жетекшісі Альдекенова А.Т.) «Отан» номинациясына ие болды.

20 мамыр күні гимназияның мәжіліс залында дәстүрлі «Дарындыға дархан жол» атты шығармашылық кеш өткізілді. Кеште гимназияның жұлдыздары және Халықаралық, Республикалық байқауларының жеңімпазы «Айгөлек» би ансамбілі өз өнерлерін паш етті. Жыл сайын, өзінің білімі мен шығармашылығы, ақылы мен парасаты арқасында, топты жарып шығып, биіктен көрінген, дарынды оқушыларымызды марапаттау дәстүрге айналды.

2014 жылдың мамыр айының 17 күні 10-сынып оқушыларының ұйымдастыруымен гимназияда дәстүрге айналған «Вена балы» өтті. Балға 19 жұп қатысып, өз өнерлерін, яғни жұптардың әсемдігін көрсетті. Кештің соңында Тлеумов Даниял мен Шаймерден Әсия балдың ханзадасы мен ханшайымы болып танылды.

15 мамыр күні ҚР БжҒМ Мектепке дейінгі және орта білім департаментінің қолдауымен «Study INN» Cambridge University Press (CUP) білім беру компаниясы Астана қаласында өткізген «Қазақстан Республикасының жалпы білім беретін және функционалды сауаттылықты дамыту шеңберінде ағылшын тілін оқытуды кіріктіру» атты халықаралық конференциясына физика мұғалімі Кабылбекова А. С. және ағылшын тілі мұғалімі Уажанова Б. Б. қатысып келді.

2014 жылдың 5-і мамыр күні математика пәнінен КИО өтті. Олимпиада қорытындысы бойынша 5а-сынып оқушысы Закирьянова Бадинур, 7ә-сынып оқушылары Рымбаев Данияр және Кабиев Сұлтан – ІІ-орынға, 6а-сынып оқушысы Омирзакова Аяжан – ІІІ-орынға ие болды. Оқушыларды жеңістерімен құттықтаймыз!