Оқушылар арасында өзара  түсіністік және ұжымдық сенімді қарым-қатынасты орнатып, оқушылардың сенімсіздіктерін жойып, сын тұрғысынан ойлауға жол ашатын критериалды бағалау болып табылады. Осыған орай  мектебімізде«Критериалды бағалау- сапалы білім негізі»  тақырыбында коучинг өткізілді. Коучинг барысында мұғалімдер критераилды бағалаудың түрлері туралы ойларымен бөлісе отырып,  қолдану бойынша нақты анықтамалар беріп өтті. 1- сынып жетекшісі М.Жақсыбекова биылғы оқу жылынан бастап енгізілген критериалды бағалау жүйесін қолдану тәжірибесімен таныстырды. Оның тиімді және қиындық тудыратын тұстары туралы пікірлер айтылды. Мектеп психологы Н.Шаймарданова «Жетістікке жету» тақырыбы бойынша тренингтер мен өзін-өзі ынталандырудың тиімді әдістері арқылы мұғалімдерге  олайлы ахуал тудыра білді. Қатысушыларға  пәндер бойынша тапсырмалар беріліп, оның критерилеріне мен дисрипторларын құрастыру ұсынылды. Құрастырылыған критерилер мен дискрипторлар көпшілік назарына ұсынылып, әр критерий бойынша оқушының білім деңгейін арттыруға, толықтыруға, нақты нәтижеге жетуге әсері жан-жақты талқыланды. Қорытындысында оқушы, ата-ана, мұғалімге тиімділігі анықталып, бағалаудың әртүрлі әдістерін тәжірибеде пайдалану, келесі коучингтерде  критериалды бағалауға арналған түрлі тапсырмаларға критерилер мен дискрипторлар құрудың тиімді жолдарын ұсыну келісілді.