1 тамыз бен 30 қыркүйек аралығында жалпы республикалық әлеуметтік «Мектепке жол» акциясы өткізілуде. Биылғы жылы акция «МЕНІҢ ТАҢДАУЫМ - БАЛАЛАРҒА КӨМЕК КӨРСЕТУ» ұранымен өтуде. Барлық азаматтарды, гимназия ұжымы мен ата-аналарды, балаларды осы акцияға белсене қатысып, қайырымдылық жасауға шақырамыз.

2017 жылдың маусым айының 12-14-ші күндері Баянауыл мемлекеттік ұлттық паркінде облыстық оқушылар арасында ХХVI жазғы спартакиада бағдарламасы бойынша туристік слет өтті. Жарыста Ақсу қаласының «Экстрим» командасы жүлделі ІІІ орынға ие болды. Команда құрамы: Жуматев Тамерлан, Кайраш Ермухан, Абилов Асет, Олжабаев Улан, Елемесова Таслима, Мукышев Жанболат, Мусаипов Ануар, Тельжанов Жасузак, Багау Дильназ, Такаранова Алуа.

2017 жылғы 5 маусым күні Павлодар мемлекеттік педагогикалық институтында «Мемлекеттік тілдегі ең үздік білім беру сайты» облыстық байқауы өткізілді. Байқау Павлодар облысының білім беру басқармасы, тілдерді дамыту жөніндегі басқармасы және облыстық ақпараттық технологиялар орталығымен ұйымдастырылды. Байқаудың қорытындысы бойынша біздің гимназияның сайты ІІ орынды иеленді. Құттықтаймыз!

2017 жылы 30 мамыр күні «Педагогикалық тәжірибе шығармашылықтың жолында: ізденістер, жаңалықтар, табыстар» тақырыбында қорытынды әдістемелік кеңес өткізілді. Гимназия әдістемелік қызметі «Жеке тұлғаға бағытталған оқыту - тиімді білім берудің негізі» бағытымен жұмыс жасауда. ӘБ жетекшілері өздерінің ағымдағы оқу жылы жеткен жетістерімен бірге, алдағы оқу жылында енгізгелі отырған инновациялық жобалырын ортаға салды.

2017 жылғы 26-29 мамыр аралығында Қ.И.Сәтбаевтің елінде VII Халықаралық жасөспірімдер олимпиадасы өткізілді. Олимпиадаға биология пәнінен гимназиямыздың 7-сынып оқушысы Амирова Айкен қатысып, Құрмет грамотасымен марапатталды. Мұғалімі Муханова Умут Кабиденовна. Айкенге алдағы уақытта талай жетістік шыңынан көріне бер деген тілек білдіреміз!

Гимназияда 25 мамыр күні "Сыңғырла, соңғы қоңырау " атты салтанатты мереке өтті. Мерекеге ата-аналар, оқушылар, ардагер ұстаздар қатысып, оқушыларға жылы лебіздерін білдірді. 10 сыныпқа білім кілтін табыс етіп, 1 сынып оқушыларына мақал мәтелдер кітабын сыйға тартты. Соңғы қоңырауды 11 сынып оқушысы, Аубакиров Алишер мен 1 сынып оқушысы, оқу үздігі Бейсебаева Сания соқты.

2017 жылғы 20-21 мамыр күндері Астана қаласында Дарынды балаларға арналған № 9 «Зерде» мектебінде «Астана Дарыны» ӨҒПО-ның ұйымдастыруымен 3-6 сыныптарға арналған математика пәнінен «Зерде» халықаралық олимпиадасы өтті. Олимпиаданың қорытындысы бойынша 5-сынып оқушысы Есмуханов Аңсар 3 орынға ие болды. Жетекшісі Муканова Б.К. Мұғалімдер арасындағы олимпиадада Катепбай Асылгүл Грамотамен марапатталды.

2017 жылғы 18-19 мамыр күндері Павлодар қаласында Павлодар облысы білім беру басқармасы және «ҚазРоботикс» білім беру және спорт робот техникасы Қазақстан Федерациясы ұйымдастырған робот техникасының облыстық фестивалі өтті. Гимназиямыздың кіші топ команда мүшелері Заруза Нұрай және Есмуханов Ансар ІІІ орынға ие болды және сыйлыққа Астанада өтетін ЭКСПО-ға жолдама алды. Жетекшісі Атик Б.В. Құттықтаймыз!

Жыл сайын дәстүрлі түрде өтетін шығармашылық кеш биылғы оқу жылы 19 мамыр күні мәжіліс залында салтанатты түрде өтті. Жиылған ата-аналар мен қонақтарға жыл бойығы оқушылар мен ұстаздар еңбегі мен жетістігі туралы ақпарат беріліп, түрлі шығармашылық топтар өз өнерлерін ортаға салды. Мектеп директоры М.Касенова республикалық, облыстық пән олимпиадасы мен жарыстардың жеңімпаздарын естелік мүсіндермен, дипломдармен марапаттады.

Ақсу қаласының гимназиясы 2017-2018 оқу жылына 4, 5, 6, 8, 9, 10-сыныптарға қабылдау жүргізеді. Қазақ тілі (тест), математика (бақылау жұмысы: 5 есептен тұрады), ағылшын тілінен (тест, сөйлесім) бақылау жұмыстары алынады. Қабылдау ауқыты: 26-27 мамыр, сағ.15.00. Толық ақпаратты мына телефон бойынша алуға болады: 8(71837) 5-16-81, ұ.т. 87774154935.

2017 жылғы 11-13 мамыр аралығында «Дарын» РҒПО «Балдәурен» республикалық оқу-сауықтыру орталығында (Щучинск қ.) «Тарих ата» XII республикалық қашықтық олимпиадасының қорытынды кезеңін өткізді. Олимпиаданың қорытындысы бойынша гимназияның 6-сынып оқушылары Кожабергенов Д. І дәрежелі дипломымен, Азимбеков Д. және Әбілхақ С. ІІ дәрежелі дипломымен марапатталды. Мұғалімі Ибраева Бахыт Шаймардановна.

2017 жылдың 19 мамыр күні сағат 18.00-де гимназияның мәжіліс залында «Дарындыға дархан жол» атты шығармашылық кеш өтеді. Кеште оқу жылының қортындысы бойынша білім мен тәрбиеде облыстық, республикалық, халықаралық білім көкжиегінде биік көрсеткіштерге жеткен үздік оқушылар мен ұстаздар аталып, марапатталады. Үздік би, вокал, драма топтары өз өнерлерін көрсетеді. Келіңіздер, кеш қонағы болыңыздар!