3.11.2022 күні жас мамандардың кәсіби қалыптасуына ықпал ету, білікті ұстаз етіп тәрбиелеу, дайындау мақсатында «Қалың қалай, жас маман?» атты дөңгелек үстел өтті. Бұл отырысты жас мамандармен жұмыс жетекшісі Қабылбекова А.С. ұйымдастырды. Алмагул Серикбаевна жас мамандарға Блум таксономиясы бойынша сабақ құру, белсенді оқу әдістері, сабақ кезеңдері туралы нақты мәліметтер берді.

2022 жылғы 4 қарашада жалпы білім беру және мамандандырылған ұйымдарының 7-11 сынып оқушылары арасындағы «Мағжан оқулары» облыстық ғылыми-шығармашылық байқауының кезеңі өтті. Гимназия оқушылары жеңіске жетті. Олар Махсатхан Қымбат – 2-орын, Сабиганова Аружан - 3-орын. Жетекшілері Акмарал Еркеновна мен Бахыт Жумабаевнаны және окушыларды құттықтаймыз.

2 қараша күні 2-7 сынып оқушылары арасында зерттеу жобалары мен шығармашылық жұмыстарының «Зерде» республикалық конкурсының облыстық кезеңі өткізілді. Конкурстың қорытындысы: 2 орын - Салих Ақбота, Аблай Нұрсұлтан, Жалешева Аяна, Масалимова Ясмин, Шокушев Ерхат, Рымбек Мансур, 3 орын Аблаева Наргиз, Атаканова Томирис, Жанатбекова Махаббат, Құрмет грамотасы - Оразбек Камиль, Ахмекенова Назерке.

С.Торайғыровтың 129 жылдығына орай облыс мектептері арасында өткізілген облыстық волейбол турнирінде гимназия командасы жүлделі ІІ орынды иеленді. Команданың жаттықтырушы дене шынықтыру мұғалімі Зупар Жәнібек. Құттықтаймыз!

Табиғатқа қатысты экологиялық дүниетанымды қалыптастыру, қоршаған ортаны аялау сезімін тәрбиелеу мақсатында 8-10 сынып оқушылары арасында «Жас экорепортер» облыстық экологиялық конкурсы өтті. Конкурстың қорытындысы бойынша гимназияның 8а-сынып оқушысы Атакан Дінмұхамед ІІ орынға иеленді. Құттықтаймыз!

17-18 қазан күндері ата-аналарға Ашық есік күні ұйымдастырылды. Ата-аналар әр пән мұғалімімен жеке кездесіп, баласының оқу үлгерімі, пән мазмұнын меңгеруі туралы нақты ақпарат алып, өздерін толғандыратын сауалдарға жауап алды. Бұндай кездесулер отбасы мен мектептің ынтымақты әрекет етуіне жақсы ықпал етері сөзсіз. Алдағы уақытта мұндай форматта кездесулер өткізу дәстүрге енеді.

Гимназия оқушылары "Тәуелсіздік ұланы" төс белгісімен марапатталды: Сайыпова Әсем, Малибекова Дильназ 11-сынып оқушылары, Олжабаева Аяла 10-сынып оқушысы. Айта кетсек, Тәуелсіздіктің 30 жылдығына Павлодар облысының әкімдігі алғаш рет төс белгісі және 50 АЕК көлеміндегі бір реттік ақшалай сыйлығын тағайындаған. Құттықтаймыз!

Гимназия 2019 жылдан өзара әрекеттестік және кәсіби қолдау жоспары негізінде Май ауданының білім беру бөлімімен бірлесіп бірнеше бағыттарда жұмыс жасауда. Соның бірі - ҰБТ-ға дайындық. Ағымдағы оқу жылы «ҰБТ-ға қалай дайындалу керек?» тақырыбында Жалтыр ОМ-де Май ауданының 11 сынып оқушыларымен гимназия мұғалімдері Оразова Г.М., Кабылбекова А.С., Муканова Б.К., Мутан М. дәріс өткізді.

2022 жылғы 19 қазанда білім беру бөлімі гимназиямен бірлесіп, қалалық дебат турнирін өткізді. Турнир қорытындысы бойынша орындар төмендегідей шешілді: 1 орын №1 қазақ орта мектебінің "Жас дебат" командасы; 2 орын Дарынды балаларға арналған гимназияның "Интеллект" командасы; 3 орын №2 жалпы орта білім беру мектебінің "Парасат" командасы мен Дарынды балаларға арналған гимназияның "Болашақ" командасы.

Республикалық "Акберен" конкурсының облыстық кезеңінде гимназия оқушылары жеңіске жетті. «Эссе жазу» бағыты бойынша ІІ дәрежелі дипломды Каиржанова Аида, «Көркемсөз оқу» бағытында ІІІ дәрежелі дипломды Мақсатхан Қымбат, «Ұлттық аспапта өнер көрсету» бағытында ІІІ дәрежелі дипломды Амангелді Ералхан иеленді. Жетекшілер мен оқушыларды шын жүректен құттықтаймыз.

Қайырымдылық жасау - үлкен сауап. Мереке қарсаңында азқамтылған, көпбалалы отбасыларға, мүгедек балаларға көмектесу мақсатында “Жылы жүрек” қайырымдылық жәрмеңкесі ұйымдастырылды. Барлық жиналған қаражат қайырымдылыққа жұмсалады. Атсалысқан ата-аналарға алғыс білдіреміз

«Менің кіші Отаным» жас тарихшылар V Республикалық интеллектуалдық конкурсының облыстық кезеңі 2022 жылдың 14 қазанында облыстық көп салалы дарынды балаларға арналған лицей-интернаты негізінде өткізілді. Конкурс қорытындысы бойынша Каиржанова Аида, Жиенхан Сая, Алимова Томирис І орын, Олжабаева Аяла ІІІ орын иеленді. Жеңімпаздарды дайындаған пән мұғалімдері Мұтан Мұратбекті, Инкар Нышановнаны, Гүлжазира Кабдулкаримовнаны құттықтаймыз!