5а-сынып

4-сынып

Гимназия түлегі Махсатхан Қымбаттың алтын ұя мектебіне арнауы.

11-сынып оқушысы ӨМІРЗАҚ АЙБАТ СУАТҰЛЫ Ұлттық бірыңғай тестілеуде 137 бал жинады. Сынып жетекшісі Карлыгаш Мухтаровнаны, түлегіміз Айбатты және пән мұғалімдерін шын жүректен құттықтаймыз! Айбат, алар асуың мен шығар биігің көп болсын! Біз сенімен мақтанамыз!

Соңғы қоңырау мерекесіне гимназиямызды 10 жыл бұрын аяқтаған 2014 жылғы түлектеріміз қатысып, мектебіне, аяулы ұстаздарына алғысын білдірді. Сондай-ақ “Мектепке тағзым” акциясына орай мектебіне теннис үстелін сыйға тартты. Бұл оқушылардың салауатты өмір салтын белсенді ұстануына септігін тигізері анық. Түлектерімізге үлкен алғыс білдіреміз.

Дәстүрлі түрде өтетін “Дарындыға-дархан жол” атты шығармашылық кешіміз. Жыл бойы жүзден жүйрік, мыңнан тұлпар шыққан дарынды оқушыларды марапаттау салтанаты

23.05.2024 жылы гимназияда жылдың қорытындысы ретінде дебат топтары арасында мектепішілік пікірсайыс ойыны болып өтті. Британдық парламенттік форматта ұйымдастырылған ойын бүгінгі таңда ең өзекті тақырыптардың бірі болып отырған лудомания тақырыбында “Бұл палата балалар арасында ойынқұмарлықтың (лудомания) алдын алудың ең тиімді жолдарын ұсынады” атты қарарында өтті.

Сәт сапар, жас түлек!

11-сынып оқушысы Амангелді Нұрәділ Назарбаев университетіне оқуға түсті. Дарынды және талантты оқушы Нұрәділді шын жүректен құттықтаймыз! Бірнеше жылдар бойы дайындаған ағылшын тілінің мұғалімі Нургалиева Салтанат Еркиновнаға алғыс білдіреміз. Нұрәділ болашақта еліміздің ғылым саласына зор үлес қосатынына сенімдіміз. Саған тек сәттілік тілейміз.

Барлық сыныптарда ”Білімім-Отаныма” атты бірыңғай сынып сағаттары өткізілді.

22 мамыр күні құқықбұзушылықтың алдын алу мақсатында 8-11 сынып оқушыларымен полицияның аға лейтенанты Елжан Еламан мен полиция лейтенанты Каир Каирханов кездесіп, қоғамдық орындардағы тәртіп, жол жүру ережесі, түнгі уақытта үйден тыс жерде болу ережелері туралы түсіндіру жұмысын жүргізді.

“Ұлтын сүйген ұлы дала ұрпағы” атты қазақ тілі мен әдебиеті пәндерінің апталығы өз мәресіне жетті. Апталық барысында мерейгер тұлғалардың өмірі, шығармашылық қызметіне арналған іс - шараларға гимназия оқушылары белсенді қатыса білді. Атап айтсақ, көркем шығармалар негізінде суреттер байқауы, киновикторина, зияткерлік ойындар, дөңгелек үстел, эссе жазу сияқты шаралар ұйымдастырылды.