Тәуелсіздік күніне орай өткізілген қалалық кіші спартакиадада гимназиямыздың оқушылары тоғызқұмалақтан жүлделі ІІ орынды иеленді. Команда құрамында 7-сынып оқушысы Төлеу Алихан, 5а-сынып оқушысы Кобжанова Аружан, 5ә-сынып оқушысы Шахмет Арнұр. Жетекшісі Жекебай Мақсатхан. Құттықтаймыз!

Гимназиямыздың "Айгөлек" үлгілі би ансамблі Ақтөбе қаласында өткен Республикалық "Айналайын" конкурсында Гран-при және 100000 тенге сертификатына ие болды. Сонымен қоса әрдайым осы би ұжымын дайындап, биік шыңдарға жетелеп жүрген жетекшісі Зембаева Динара Нигматулловна Ақсу қаласының Құрмет тақтасында орын алды. Әрдайым жұмысыңыз жемісті болып, абыройыныз арта берсің, Динара Нигматулловна!

Оқушыларға дұрыс тамақтану дағдысын қалыптастыру мақсатында "Дұрыс тамақтану - денсаулық кепілі" атты 2а және 2ә сынып оқушылары арасында сайыс сабағы өткізілді. 6-кезеңнен тұратын сайыста қызықты сұрақтар қойылып, жұмбақ жасырылды, танымдық тапсырмалар орындалды. Сайыс соңында екі топ та мақтау қағазымен марапатталды.

Гимназиямыздың "Айгөлек" үлгілі би ансамблі Қазақстан, Болгария, Ресей бастамасымен өткізілетін "Розы Казахстана" халықаралық хореографиялық өнер фестиваль-байқауында жүлделі І орынға және ұжым Қазақстан мен Болгария елшілігінің кубогы мен дипломына ие болды. Ұжымды және әрдайым жеңіс тұғырына жетелеп жүрген жетекшісі Зембаева Динара Нигматуловнаны құттықтаймыз!

22 қарашада 8-11 сынып оқушылары арасында облыстық ғылыми жобалар конкурсы өткізілді. Конкурстың қорытындысы бойынша Успанова А. (10-сынып) – І орын, Жумабаева А. (11-сынып), Курмашева Д., Рысымбетова Д., Баяманова А., Кабдулла Д. (10-сынып), Шакбекова Д (9-сынып) – ІІ орын, Негманова Д., Омурбаева А., Қинаят Ж., Баянбатұлы Е., Хаманай А. (10-сынып), Әбілхақ С., Олимпиада Р. (9-сынып), Мубаракова Д., Лашимова А. (8-сынып) ІІІ орынға ие болды.

15 қараша күні гимназиямызда педагогикалық ұжымдардың өзара әрекеттестік және қолдау негізінде Май ауданы мұғалімдеріне "Көптілділік-полимәдени тұлға қалыптастырудың негізі" атты семинар өткізілді. Семинар аясында ағылшын тілінде физика, биология, химия және информатика пәндерінен ашық сабақтар, "АКТ-ның көмегімен оқытудағы жаңа әдістерді қолдану" атты коучинг және "Абай поэзиясы - әлем тілдерінде" атты әдеби кеш өткізілді.

Қалалық шахмат жарысына қатысқан оқушыларымыз командалық есепте жүлделі ІІІ орынды жеңіп алды. Жеке есепте 2а сынып оқушысы Қайролла Нұрбол мен 5а сынып оқушысы Сабабаев Жансар жүлделі І орындарға ие болды. Ал 5а сынып оқушылары Иглымхан Жанерке мен Кобжанова Аружан алғыс хатпен марапатталды. "Шахмат" үйірмесінің жетекшісі Жекебай Мақсатхан. Облыстық кезеңге өткен ұлдарымызға сәттілік тілейміз!

Гимназиямыздың 8а-сынып оқушысы Алимжанов Әлібек республикалық "Балдәурен" ОСО жас әдебиетшілер мен ақындар ауысымында өзінің ерекше әншілік қабілетімен көзге түсіп, Абай атамызға арналған кеште ұлы данамыздың әндерін шырқап, дүйім жұртты таң қалдырды. Әлібекке ҚАЗАҚСТАНДЫҚ ЖАС ПАТРИОТ академиясына қабылданғаны туралы куәлік табыс етілді. Жарайсың!

Гимназиямыздың 6ә-сынып оқушысы Абылай Әділет облыстық "Сарыарқа самалы" газеті ұйымдастырған "АЙНАЛАЙЫН" фестиваліне қатысушы. Аталмыш басылымның "Айналайын" қосымшасының тұрақты авторы және түрлі байқауларының жеңімпазы ретінде Әділет Алғыс хатпен, бағалы сыйлықпен марапатталды. Өнерің үстем болсын!

Павлодар қаласының дарынды балаларға арналған № 8 мектеп-лицейінде өткен В.П.Никитенко атындағы ХІІІ облыстық математикалық олимпиадада 6а-сынып оқушысы Амангелді Айжан Құрмет грамотасымен марапатталды

Қазақтың шешендік өнерін, сөйлеу тілін терең танып білу мақсатында Алматы қаласында 8-11 сынып оқушылары арасында ІІ Республикалық "Ділмар" атты шешендік өнер байқауы өтті. Сайысқа гимназиямыздың 9-сынып оқушысы Жәнібек Жансая, 10-сынып оқушылары Баянбат Ерасыл мен Хаманай Асхат қатысып, Алғыс хатпен марапатталды. Жетекшілері А.Е. Есенгожина және А.С. Шапауова

Сыбайлас жемқорлықтың алдын алу - қоғамдағы өзекті мәселелердің бірі. Сондықтан осы бағыттағы шаралар мектеп табалдырығынан басталғаны жөн. 5 қараша күні гимназияда "Адалдық сағаты" шаралары ұйымдастырылып, оған "Павлодар кеден рәсімдеу орталығы" кеден бекетінің бас маманы Е.С. Нуркин, полиция инспекторы Хуан Раунгүл, ардагер ұстаздар қатысты.