17.09 күні Тілдер мерекесі қарсаңында 3-10 сыныптар аралығында қазақ тілі, орыс тілі, ағылшын тілі, қытай тілінде мәнерлеп оқу сайысы өткізілді. Сайысқа барлығы 24 оқушы қатысты. Сайыскерлер 10 балдық жүйемен бағаланды. Мәнерлеп оқу сайысында келесі шарттарға көңіл бөлінді: өзін сахнада дұрыс ұстау, өлеңді жатқа айту, өлеңнің сөздерінің түсінікті болуы, мәнері, дауыс ырғағы.

Біздің гимназиямыздың физика пәнінің мұғалімі Қабылбекова Алмагуль Серикбаевна Республикалық «Үздік педагог- 2014» байқауына қатысып, жеңімпаз болып атанды. Алмагуль Серикбаевнаны құттықтаймыз! Еңбегіңіз әрқашан жемісті болсын!

Әл-Фараби атындағы Қазақ ұлттық университетінің журналистика факультеті, халықаралық журналистика және қоғаммен байланыс кафедрасы, ЮНЕСКО орталығы Ұлы Отан соғысындағы Жеңістің 70-жылдығына арналған мектеп оқушылары арасында Республикалық шығармалар байқауын өткізеді. Байқау 1 қыркүйек 31 желтоқсан 2014 ж. аралығында өтеді.

17.09 күні тілдер айлығына орай оқушылардың тілге деген құрметін арттырып, ауызша және жазбаша сөйлеу мәдениетінің сауаттылығын жетілдіріп, шығармашылық қабілеттерін дамыту мақсатында 3а және 3ә сыныптары арасында «1000 мақал, 101 жұмбақ» атты ойын-сайыс өткізілді.

16.09.14 тілдер айлығы барысында гимназияда 9-сыныптар аралығында «Тіл білгірі» зияткерлік сайысы өткізілді. Сайыстың мақсаты: ағылшын, орыс тілдері әлемдік тілдер қатарына жататындықтан жас шәкірттерге олардың маңыздылығын сезіндіру, ана тілінің қадір-қасиетіне, болашағына қамқор болып, дамыту үшін өз үлестерін қосуы керек екендігін ұғындыру.

Гимназияда 8-13 қыркүйек аралығында отбасылар күніне арналған «Отбасы – бақыт мекені» атты акция өткізілді. Акцияға мектеп оқушылары мен ата-аналар белсене қатысты. 2-3-сынып оқушылары «Менің отбасым – менің тірегім» атты тақырыпқа асфальтта суреттер салса, 4-сыныптар арасында «Бірге біз бақыттымыз» атты эмблемалар сайысы, 1-сыныптар арасында «Ынтымақты отбасы» спорттық сайысы өткізілді.

12-қыркүйек күні мұғалімдердің 3 айлық кәсіби біліктілігін арттыру курсының бірінші (ілгері) деңгей бағдарламасының тәжірибелік кезеңін өтіп жатқан менторлар Тулеубаева К.Б. және Муханова У.К. жоспарына сәйкес «Оқытудағы жаңа әдіс-тәсілдер: диалогтік оқыту» тақырыбында Баядилова А.Қ. және Атик Б.В коучтері коучинг сессиясын өткізді. Коучинг сергіту сәтімен басталып, мұғалімдер «Диалог» сөзіндегі әріптерге сәйкес топтасты.

«Мектепке жол» акциясы жалғасуда. Біздің гимназиямыз да әрбір оқушыны оқу құралдары мен қажетті киім-кешекпен қамту мақсатында осы акцияға белсене қатысып, бірнеше іс-шаралар атқарды. «ЕЭК» АҚ 14 оқушыны спорт және мектеп формаларымен, қысқы киімдермен толық қамтыды. Балаларды мектепке дайындауға қомақты қаржы бөліп, көмектескен үшін ата-аналар мен гимназия ұжымының атынан «ЕЭК» АҚ Президенті А.А.Рустамбаевқа алғыс білдіреміз.

Білім күніне арналған салтанатты саптүзеу 1-ші қыркүйек күні сағат 10.00-де өтеді. Салтанатты саптүзеуден кейін барлық сыныптарда «Конституция – кемел болашақтың кепілі» тақырыбында сынып сағаттары өткізіледі.

Республикамызда 1-тамыз бен 30 қыркүйек аралығында «Мектепке жол» акциясы өткізілуде. Оның мақсаты оқумен қамтылмаған оқушыларды анықтап, оларға мектепке дайындалуға көмек көрсету. Құрметті ата-аналар, мұғалімдер, оқушылар! Барлықтарыңызды «Мектепке жол» акциясына белсене қатысуға шақырамыз!

2014 жылдың сәуір-мамыр айлар аралығында Облыстық ақпараттық технологиялар орталығының ұйымдастыруымен «Үздік интербелсенді сабақ» атты жыл сайынғы педагогикалық идеялардың Интернет-фестивалі өткізілді. Сайыстың қорытындысы бойынша орыс тілі мұғалімі Б.Ш.Бекбасова – І орын, тарих пәнінің мұғалімі А.Т.Альдекенова – ІІІ орынға ие болды. Құттықтаймыз!

ГУ «Специализированная гимназия для одаренных детей г.Аксу» объявляет о закрытии конкурса выбора поставщика услуг по организации питания обучающихся в организации среднего образования.