2014 жылғы 10 сәуір күні «Дарынды балаларға – талантты ұстаз» облыстық педагогикалық олимпиада өтті. Олимпиаданың негізгі шарты дарынды балалармен жұмыс, педагогикалық идеялар, жобалар, шығармашылық нәтижелермен алмасу болды. «Гуманитарлық ғылымдар» бағытында гимназияның экономика және құқық негіздері пәнінің мұғалімі Сыздыков Азамат Жанайдарұлы І орынға ие болды. Азамат Жанайдарұлын құттықтаймыз! Еңбегіңіз әрқашан жемісті болсын!

Гимназияда дәстүрлі түрде өтетін Қаныш Имантайүлы Сәтбаевтың туғанына 115 жыл толуына орай «Ғасыр данасы» атты апталығы басталды. Апталықтың барысында 8 сәуір күні география пәнінің мұғалімі Кыдралин Қуаныш Төлегенұлы 9-10 сыныптар арасында мектепішілік «Титандар айқасы» атты интеллектуалдық ойын өткізді.

2014 жылдың 3 сәуір күні Павлодар облысы білім беру басқармасы «Ертіс дарыны» АҒТО ұйымдастырған бастауыш сынып оқушылары арасында І-ші облыстық математикалық турнир өткізілді. Турнирге гимназияның командасы қатысып, бірінші лигадағы І дәрежелі дипломымен марапатталды. Команда құрамында Баисова Әдемау 2-сынып, Хасенов Еркебұлан 3- сынып, Амирова Айкен 4-сынып оқушылары. Тренері Кадырбаева Гүлжахан Раиимовна. Құттықтаймыз!

2014 жылы 25-31 наурыз аралығында Алматы қаласында 19-ші Республикалық Ақыл-ой Одиссеясы сайысы өткізілді. Гимназиядан сайысқа 2 топ қатысып келді. Смагулова Айзат Есқазықызының жетекшілігімен «Қазақ қыздары» тобы І орынға, ал Амренова Арман Бағабайқызының жетекшілігімен «Каспер» тобы ІІІ орынға иеленді. Құттықтаймыз!

2014 жылдың 17 желтоқсан күні ағылшын тілі пәнінен British Bulldog халықаралық сайысы өтті. Гимназияның оқушылары сайысқа қатысып, жүлделі орындарға ие болды. Олар, Хасенов Еркебулан, Жанибек Жансая 3ә-сынып оқушылары, Бекбасова Айдана 4а-сынып оқушысы – І орын, Камзин Асхат 3ә-сынып оқушысы, Жомарт Актоты, Казбеков Мухамеджан 5а-сынып оқушылары – ІІІ орын. Мұғалімі Нургалиева Салтанат Еркиновна. Жүлдегерлерді құттықтаймыз!

26-31 наурыз аралығында Павлодар облысы білім беру басқармасы мен облыстық ақпараттық технологиялар орталығы ұйымдастырған 6-9 сынып оқушылары арасында информатика пәні бойынша облыстық олимпиада өтті. Гимназиядан І іріктеу кезеңіне 4 оқушы қатысып, сертификатқа ие болды. Олардың ішінде 8ә-сынып оқушысы Темергалинов Қаиржан ІІ ақтық кезеңге өтіп, олипиадаға қатысып келді. Мұғалімі Баядилова Асем Канатовна.

24-27 наурыз аралығында Астана қаласында VІІІ халықаралық «Ақ көгершін» фестивалі өтті. Фестивальға гимназиясының «Айгөлек» би тобы қатысып, байқауда жоғарғы деңгейде өнер көрсете білді. Бүлдіршіндеріміз хореография номинациясында Гран-при иегерлері атанды. Бишілерімізді және жетекшісі Динара Негматулловнаны шын жүректен құттықтаймыз! Шығармашылық өнердің биік шыңынан көріне беріңіздер!

2014 жылдың 24-і мен 29-ші наурыз аралығында Шымкент қаласында гуманитарлық бағыттағы пәндер бойынша оқушылардың Республикалық олимпиадасы өтті. Олимпиада қорытындысы бойынша «Қазақ мектебінде орыс тілі» пәнінен былтырғы жылдың алтын медаль иегері, гимназияның 10-сынып оқушысы Қаиржанова Әдия І орынға және алтын медальға ие болды. Әдияны жеңісімен және пән мұғалімі Тулеубаева Күлжайнат Бекенжанқызын құттықтаймыз!

2014 жылы 27 наурыз күні Ақсу қаласының Мәденит және тілдерді дамыту бөлімінің ұйымдастыруымен қазақ жастары арасында орыс тілі білгірлерінің «Тіл – барлық білімнің кілті» атты қалалық байқау өтті. Байқаудың қорытындысы бойынша гимназияның 10-сынып оқушысы Баяманова Гульден І орынға, 8ә-сынып оқушысы Жакенова Дария ІІІ орынға ие болды. Оқушыларға және оларды дайындаған мұғалімдерге алғысымызды білдіреміз!

Ақтың молаятын, Тіршіліктің жаңғыратын, Өмірдің жаңғыратын, Көңілдің кеңейетін Наурыз мейрамы құтты болсын! Сіздерге мықты денсаулық, шығармашылық табыс, алға қойған арман – тілектеріңіз бен үкілеген үміттеріңіз әр уақытта орындалып, отбасының бақытына бөлене беріңіздер!

19 наурыз күні гимназия оқушылары мен ұстаздары Наурыз мерекесімен құттықтауға Қарттар үйіне қонаққа барды. Қарттар үйінде шағын концерт қойып, өз өнерлерін қарттарға паш етті, оларды Наурыз – ұлыстың ұлы күні мерекесімен құттықтады.

Гимназияда 15.03 күні бастауыш сыныптар арасында «Наурыз – ұлыстың ұлы күні» және 18.03 күні 5-11 сыныптар арасында «Наурыз - жыл басы» атты мереке өтті. Мерекеге барлық сыныптар белсене қатысып, өз өнерлерін ортаға салды. Бастауыш сыныптар арасында: 4ә- сынып «Сүйінші», 1-сынып «Бесікке салу», 3ә-сынып «Иткөйлек», 2а-сынып «Той бастар», 2ә- сынып «Тұсау кесу», 3а-сынып «Ашамайға мінгізу» салт-дәстүрлерінен көрініс көрсетілді.