2015 жылдың 20 қарашасында гимназияда «Жаңаша оқыту- табыс көзі» атты облыстық семинар өтті. Семинар барысында 6а сыныбында «Жапырақ» тақырыбында биология пәнінің мұғалімі жас маман Жахав Б.Т. және 8 сыныпта «Жылу құбылыстары» тақырыбында физика мұғалімі «Үздік педагог-2014» иегері Қабылбекова А.С. ағылшын тілінде сабақтар өткізді.

2015 жылдың 3-8 қараша күндері Алматы қаласында үстел тенисінен өткен «Алтык күз» халықаралық сайсында гимназияның 4а сынып оқушысы Амангелді Әмір І дәрежелі дипломмен марапатталып, алтын медальға ие болды. Әмірді сайыcтағы жеңісімен құттықтаймыз!

2015 жылы 6 қараша күні гимназияда оқушыларды облыстық математикалық турнирге іріктеу және оқушылардың ой қабілеттерін дамыту мақсатында 2-4 сынып оқушылары арасында мектепішілік математикалық турнир өткізілді. Турнирге 2-4 сынып оқушыларынан тұратын 12 оқушыдан 4 команда болып қатысты.

2015 жылы 2 қараша күні гимназияда оқушылардың ойлау қабілеттері мен бейімділіктерін анықтау, білімге қызығушылығын арттыру және логикалық тұрғыдан ойлау қабілеттерін дамыту мақсатында 3-4 сынып оқушылары арасында қазақ тілі мен математика пәндерінен кешенді мектепішілік логикалық олимпиада өткізілді. Олимпиадаға 54 оқушы қатысып, 8 оқушы жүлделі орынға ие болды.

Павлодар қ. №16 лицей-мектебі базасында 2015 жылғы 6 қарашада Павлодар облысының білім беру басқармасы мен ақпараттық технологиялар орталығы ұйымдастырған, дәстүрлі «Ақпараттық-коммуникациялық технологиялар білім беруде» облыстық конкурсының ақтық кезеңі өтті. Конкурстың қорытындысы бойынша оқушылар арасында 8-сынып оқушылары Лайыков Нурсултан және Абай Асхат ІІІ орынға ие болды. Құттықтаймыз!

Балалар шығармашылық үйінде 30 қазан күні қалалық «Денің сау болған керемет» атты жарыс өткізілді.Гимназия намысын 5,6 сынып оқушыларынан тұратын «Қырандар» тобы қорғады. «Қыран» командасының белсенділігі мен ұйымшылдығының арқасында жүлделі ІІІ орынды иеленді. Жеңістеріңмен шын жүректен құттықтаймыз!

Қазанның 26-31 аралығында гимназияда құқық апталығы ұйымдастырылды. Апталық, ақпараттық стендте берілген суреттер арқылы өз құқықтарымен танысу, өзіне маңыздысын таңдаудан басталды. Апталық барысында 5-7 сыныптарда танымдық тәрбие сағаттары, 9-10 сыныптардың қатысуымен дөңгелек үстел және 7-8 сыныптар арасында сайыс өтті.

27-29 қазан аралығында гимназияда «Мен және менің полицейім» акциясы ұйымдастырылды. Акцияның мақсаты оқушыларды полиция жұмысымен таныстыру, қоғамдық орындардағы тәртіпті сақтауға тәрбиелеу, жол ережелерін білуге және сақтауға үйрету. Мектеп инспекторы С.Сагалиевамен біріге отырып, «Жасұлан» ұйымының белсенділері 1-4 сыныптарда «Мектеп инспекторы - қорғаушы және дос» тақырыбында танымдық сайысын өткізді.

2015 жылғы 16 қазан күні Павлодар қаласының «Жас дарын» мамандандырылған мектебінде өткізілген «Өзін-өзі тану» пәні бойынша республикалық олимпиаданың облыстық кезеңінде гимназияның 8 сынып оқушысы Калиева Дильназ ІІ және 9 сынып оқушысы Хуатбек Айша ІІІ орынға ие болды. Оқушыларды жеңістерімен құттықтай отырып, алдағы уақытта сәттілік тілейміз!

Оқушылардың оқу–танымдық қабілеттерін ынталандыру, пәндік білімдерін тереңдету, ғылымға деген қызығушылығын дамыту, оқушыларды аймақтық және облыстық олимпиадаларға қатыстыруға іріктеу және дайындықтарын пысықтау мақсатында, мектептің оқу-тәрбие жоспарына сәйкес 30 қыркүйек күні мектепішілік пәндік олимпиада өткізілді.

3 қазанда гимназияда Ұстаздар күніне орай өзін-өзі басқару күні өтті. Өзін-өзі басқару күніне жауапты болған 11 сынып оқушылары. Бұл күні 10-11 сынып оқушылары мұғалімдер мен әкімшілік міндеттерін атқарды. Олар сабақ кестесін құрып, оқушыларға және мұғалімдерден құралған 12а мен 12ә сыныптарына сабақтар өткізді. Өзін-өзі басқару күні таңертенге сап түзеуден басталды.

2015 жылғы 7 қыркүйектен 3 қазан аралығында «Тілдер айлығы» өтті. Барлық сыныптар ұйымдастырылып жатқан интеллектуалдық, зияткерлік ойындарға, шығарма, мәнерлеп оқу сайыстарына белсене қатысып, жеңіске жетті. «Тілім менің –тірегім» атты мәнерлеп оқу сайысы 5-7 сыныптар аралығында өтті. Сайыс жеңімпаздары Кунтаева А.(1 орын), Жумабаева Д. мен Жомарт А. (2 орын), Берденбекқызы А., Баяманова А, (3 орын).