2015 жылғы 26 қараша күні Павлодар қаласындағы № 7 ЖОМ-да облысымыздың білім беру ұйымдары қызметкерлерінің «Педагогикалық бастамалар» жобасының қорғауы өтті. Конкурс туралы ережеге сәйкес қатысушылар оқыту мен тәрбиедегі заманауи педагогикалық технологиялар, ақпараттық технологияларды қолдану, көптілділікті қолдану және енгізу, мектепке дейінгі оқыту мен тәрбиедегі балалармен стандартты емес жұмыс әдістері туралы жобалар ұсынды. Жаратылыстану-математикалық бағыт бойынша гимназияның информатика пәнінің мұғалімі Абылгазина Эльмира Турагуловна «Flash-технологияны оқыту арқылы оқушылардың шығармашылық қабілеттерін дамыту» жобасын ұсынып, үздік жоба үшін Павлодар облысы білім беру басқармасының Білім беруді және тәрбиелеуді дамытудың инновациялық орталығының «Облыс мұғалімдері арасында тәжірибесі жинақталып, таратылуға ұсынылғаны үшін» сертификатына ие болды. Әріптесімізді құттықтаймыз!