16 қазан 5-7 сыныптар арасында дәстүрлі Алтын күз мерекесі өтті. Әр сыныптан Күз Ханшайымы мен Ханзадасы түрлі сайыстарға қатысып, өз өнерлерін көрсетті. «Күздің сыйы» атты табиғи материалдар мен көкөніс жемістерден түрлі қол өнер көрмесі ұйымдастырылды. Кеш қорытындысы бойынша Жұматаев Тамерлан мен Ұзақбай Нұрайым «Күз Ханзадасы мен Ханшайымы» атағына иеленсе, 6а сыныбы Күз мерекесінің жеңімпазы атанды.

2013 жылдың қазанның 10-і күні Алматы қаласында «Алатау» шипажайында республикалық «Үздік авторлық бағдарлама» байқауы өтті. Байқауға Павлодар облысынан 8 педагог, оның ішінде гимназиядан екі мұғалім қатысты. Байқаудың қорытындысы бойынша «Бейімдік оқыту бағдарламасы» номинациясымен Бекбасова Бахтула Шариповна бастауыш сынып мұғалімі марапатталды. Бахтула Шариповнаны құттықтаймыз!

10 қазан Қазақстан кәсіподақтарының күні гимназияда кәсіподақтың ұйымдастыруымен «Дені саудың –жаны сау» атты ӘБ арасында спорттық жарыстар өткізілді. Жарыстың қорытындысы бойынша жаратылыстану ӘБ-гі 1-орынды, бастауыш сынып ӘБ-гі 2-орынды, МИФ ӘБ-гі 3-орынды иеленді.

Құрметті ұстаздар! Сіздерді мұғалімдер күнімен шын жүректен құттықтаймыз! Ұстаздық- елдегі ең қадірлі, ең мерейлі, әрі аса жауапты мамандық. Баланың болашағы, оқуда қандай жетістікке жететіні, өмірде қаншалықты табысты, іскер болатыны тікелей тәлімгерге байланысты. Сіздердің осы бағыттағы еңбектеріңізге шығармашылық табыс, дендеріңізге саулық, отбасыларыңызға амандық тілейміз.

1 қазан күні №22 ЖОБМ-де «Ертіс дарыны» аймақтық ғылыми-тәжірибиелік орталығы «XXI ғасырдың көшбасшысы» шығармашылық тобымен бірлесіп облыс мектептерінің мемлекеттік тілде оқитын 6-7, 10-11 сыныптарының оқушылары үшін іріктеу кезеңін өткізді. Гимназиядан барлығы 18 оқушы қатысып, 7 оқушы «XXI ғасырдың көшбасшысы» телехабарына қатысу үшін Алматы қаласына жолдама алды.

2 қыркүйек күні гимназияда І деңгейлі курс тыңдаушысы Кабылбекова Алмагуль Серикбаевнаның бастамасымен «Мектептің әлсіз және мықты жақтары » - атты коучинг өткізілді. Сергіту сәтінен басталған коучинг жалпы осы деңгейлік курстың мақсат-міндеттерімен ұстаздар қауымын таныстыруға бағытталды.

2 -28 қыркүйек аралығында «Тілдер айлығы» шеңберінде гимназияда іс-шаралар ұйымдастырылды. «Балауса» ақпараттық радио орталығы Қазақстан халқы тілдерін мерекелеуге арналған «Тіл – алтын қазына» радиохабарлары жүргізілді. «Бір ел-бір кітап» республикалық акциясы шеңберінде Фариза Оңғарсынованың шығармашылығына арналған «Тыңда мені жүрекпен» атты мәнерлеп өлең оқу сайысы өткізілді.

Мұғалімдер күні қарсаңында 25 қыркүйек пен 6 қазан аралығында "Алғашқы ұстазыңды құттықта!" акциясы өткізілуде. Гимназияның барлық түлектерін, оқушыларын, қызметкерлерін, ата-аналарын осы акцияға белсене қатысып, алғаш қалам ұстатып, оқу-білімге баулыған алғашқы ұстаздарын мерекесімен құттықтауға шақырамыз.

Қыркүйектің 21-і күні «АФЗ» кәсіподақ ұйымының жүлдесіне арналған қалалық кіші-футбол жарысына қатысып, жүлделі І-орынға иеленген гимназия командасын құттықтаймыз.

14-ші қыркүйек күні қалалық жеңіл атлетикадан өткен «Күзгі кросс - 2013» жарысында қатысып, жүлделі І-орын алған Мақшарова Дамиля апайды құттықтаймыз. Жұмыста табыс, отбасында береке, спорттың шын биіктерінен көрінуіңізді тілейміз.

7-қыркүйек күні гимназияда «Отбасым –тірегім» атты акция өткізілді. Акция барысында оқушылар Отбасылық эмблемаларды қорғаса, ата-аналар мерекеге орай құттықтаулар байқауына қатысты. Жоғары сынып оқушылары арасында отбасылық құндылықтарға орай шағын сайыс өткізіліп, сауалнамалар жүргізілді. Ал 1-4 сынып оқушылары өздерінің өнерлерін мәнерлеп өлең оқу, «Менің отбасым - ең керемет» атты сурет байқауларында көрсете алды.

6-қыркүйек күні «Ертіс дарыны» аймақтық ғылыми-тәжірибелік орталығы мамандандырылған мектептер арасында «Үздік авторлық бағдарлама» байқауының облыстық іріктеу туры өтті. Гимназияның мұғалімдері жүлделі орындарға ие болды: Бекбасова Б.Ш. бастауыш сынып мұғалімі - ІІ орын, Абылгазина Э.Т. информатика пәні мұғалімі - ІІІ орын, Альдекенова А.Т., тарих пәні мұғалімі - ІІІ орын. Жүлделі орын алған ұстаздарымызды құттықтаймыз!