22-қараша күні 6 сыныпта гимназияның аға тәлімгердің ұйымдастыруымен «Жемқорлық індет, жою міндет» атты тәрбие сағаты өтті. Тәрбие сағатының мақсаты оқушыларға адам құқтары жайлы түсініктерін қалыптастыру, «жемқорлық» деген не екенін түсіндіру, патриоттық тәрбие қалыптастыру болатын. «Адамдар неге жемқорлыққа барады? Жемқорлықты қалай жоюға болады?» деген сұрақтар қоя отырып, оқушылармен пікірталас өткізілді.

Павлодар қаласының СЮТур балалар аула клубында ҚР Тәуелсіздігінің 25 жылдығына орай жабық ғимараттағы таулы туризм техникасы бойынша ашық чемпионат өтті. Гимназияның 1, 2, 5 сынып оқушылары осы чемпиоанатқа қатысып, 1-сынып оқушысы Маратұлы Ибрагим ІІ орынды иеленді. Ал жетекшісі Мухитова А.Б. Алғыс хатпен марапатталды. Алғашқы рет қатысып отырған барлық 1, 2 сынып оқушыларына мадақтама берілді.

2016 жылғы 4 қараша күні Павлодар қ. №16 лицей-мектебі базасында Павлодар облысының білім беру басқармасы мен ақпараттық технологиялар орталығы ұйымдастырған, дәстүрлі «АКТ білім беруде» облыстық конкурсы өтті. Конкурстың қорытындысы бойынша оқушылар арасында 7а-сынып оқушысы Қабдолла Дильназ І орынға, 9-сынып оқушысы Лайыков Нурсултан «Бағдарламашы оқушы» номинациясына ие болды. Құттықтаймыз!

2016 жылғы 4 қарашада Павлодар қаласының № 25 мектебінде 1-7 сынып оқушылары арасындағы «Зерде» республикалық зерттеу жұмыстары мен жобалар конкурсының облыстық кезеңі өткізілді. Сайыс қорытындысы бойынша 7ә сынып оқушылары Тельжанов Жасұзақ, Омурбаева Адель, 5ә сыныптың оқушысы Садыбекова Арайлым, 3ә сыныптың оқушылары Берденбекұлы Али және Мухамматова Ақерке ІІІ орынға ие болды. Құттықтаймыз!

31.10-1.11 аралығында Астана қаласында өткен "MUSIC SHOW KZ" Халықаралық ән және би байқауында гиназияның «Айгөлек» би ансамблі І орынға ие болды. Байқауды ұйымдастырушылар “Aruzhan production”. Ансамбль жетекшісі Земабева Динара Нигматуловна Алғыс хатпен марапатталды. Кішкентай бишілерге әлі де өнердің биік шыңынан көріне берулерін тілейміз.

2016 жылы 2-қараша күні гимназияда «Бастауыш сыныпта бәсекеге қабілетті тұлғаны қалыптастырудағы шығармашылық жұмыстың рөлі» тақырыбында педагогикалық кеңес өтті. Педкеңесте директордың оқу ісінің орынбасары С.С. Джамалбаеваның «Шығармашылық қабілеттер теориясы мен даму факторлары» атты баяндамасы, бастауыш сыныптың және информатика, ағылшын тілі, ырғақ пәні мұғалімдерінің баяндамалары тыңдалды.

Гимназияда 21 қазан күні мектепішілік пәндік олимпиада өткізілді. Мектепішілік пән олимпиадасы қазақ тілі, орыс тілі, ағылшын тілі, тарих, математика, физика, биология, информатика, химия, география, адам.қоғам.құқық пәндерінен өтті. Олимпиада қорытындысы бойынша әр пәннен озық шыққан оқушылар іріктеліп, облыстық пәндік олимпиадаға қатысатын команда жасақталды және алдағы кезеңдерге дайындық жұмыстары ұйымдастырылды

2016 жылғы 2 қарашада Павлодар қаласының №35 жалпы орта білім беретін мектебінде 2-4 сынып оқушылар арасында ІV облыстық математикалық турнир өткізілді. Гимназияның командасы командалық кезеңде бірінші лиганың І дәрежелі дипломымен марапатталды. Команда құрамында Боранбай Жамиля, Амангельді Айжан және Алимова Томирис. Құттықтаймыз!

Қазақстан Республикасы тәуелсіздігінің 25-жылдығына орай "Қазақстан патриоты" республикалық әскери-патриоттық журналымен ұйымдастырылған оқушылар мен тәрбиеленушілерге арналған «Тәуелсіз - тұғырым» атты көркемсурет байқауында 6-сынып оқушысы Булат Айдана Бас жүлдеге ие болды. Жетекшісі Солтан Гүлжазира Қабдылкәрімқызы.

«Болашақ қуаты» тақырыбына арналған «Экспо 2017» көрмесі елордамызда өтетін атаулы шаралардың бірі. Осы көрме туралы оқушылардың танымын кеңейту мақсатында гимназияда 27 қазан күні «Экспо 2017» тақырыбында 7-11 сынып оқушылармен танымдық кездесу өткізілді. Кездесу соңында 7-9 сынып оқушылары арасында шағын сайыс өткізіп, қоршаған ортаны қорғаудың үздік ұсынысы бойынша «Үздік идея» иелерін марапаттады.

Гимназияда әдістемелік ұйымының ұйымдастыруымен 03.10-29.10 аралығында «Жаңа формат - жаңа мүмкіндіктер» тақырыбында мұғалімдерге арналған айлық өткізілді. Айлық аясында деңгейлік сертификатталған Альдекенова А.Т., Шаймарданова Н.Т., Нургалиева С.Е., Кабылбекова А.С., Атик Б.В., Тулеубаева К.Б. және ол мұғалімдерден тәлім алушылар Сыздыкова М.К., Абраева Д.Е., Шапауова Ә.С. ашық сабақтар берді.

2016 жылғы 14 қазан күні Павлодар қаласының дарынды балаларға арналған №3 гимназиясында «Өзін-өзі тану» пәні бойынша республикалық олимпиаданың облыстық кезеңі өтті. Конкурс қорытындысы бойынша гимназияның 8 сынып оқушысы Жомарт Ақтоты ІІ дәрежелі дипломмен және 9 сынып оқушысы Кабулдинова Меруерт ІІІ дәрежелі дипломмен марапатталды. Құттықтаймыз!