Директордың оқу әдістеме жөніндегі орынбасары Аккентаева К.М. Оқу-ағарту министрлігінің “Еңбек ардагері” медалімен және Алғыс хатпен, директордың оқу ісі жөніндегі орынбасары Джамалбаева С.С. Оқу-ағарту министрлігінің Алғыс хатымен және облыс әкімінің Құрмет грамотасымен, орыс тілі мұғалімі Ибрайкина К.М. Оқу-ағарту министрлігінің Алғыс хатымен, технология пәнінің мұғалімі Иргебаев А.М. Оқу-ағарту министрлігінің Алғыс хатымен марапатталды.

Гимназияның жылдық жоспарына орай 5-7 сыныптарда туристік көпсайыс ұйымдастырылды. Жарысты ұйымдастырып өткізген “Экстрим” туризм командасына және жетекшісі Айсұлу Бөкенбаевнаға алғыс білдіреміз.

Оқу-ағарту министрі Ғ.Бейсембаев ұстаздар мерекесі қарсаңында гимназия ұжымын құттықтап, Алғыс хат жолдады. Бұл ұжымның қажырлы еңбегі мен биік жетістіктерінің нәтижесі. Құтты болсын!

Ұстаздар күніне орай Естай сарайында “Ұлағат - 2023” салтанатты іс шара өтті. Қаныш Сәтбаев атындағы дарынды балаларға арналған мамандандырылған гимназиясы “Үздік білім беру ұйымы” байқауының жеңімпазы атанды, облыс әкімінің гранты берілді. Ұстаздарды, ата-аналарды, оқушыларды жеңісімен құттықтаймыз!

Оқушылар бойында адалдық құндылығын қалыптастырып, сыбайлас жемқорлықтың алдын алу мақсатында “Толық адам ілімі және жастар”, ”Ахмет Байтұрсынов мысалдарындағы құндылықтар” тақырыбында бірыңғай сабақтар ұйымдастырылды.

5 қазан - Халықаралық мұғалімдер күні гимназиямыздың ардагер ұстаздарына “Ұстаз аты - биік, әрі мәңгілік” атты мерекелік концерттік бағдарлама ұйымдастырылып, құрмет көрсетілді. Саналы ғұмырын ұстаздыққа арнап, шәкіртінің бойына тәлімді тәрбие, саналы білім сіңіре білген ұстаздың мерейі қашанда биік. Олардың жүріс-тұрысы, сөйлеген сөзі, парасат-пайымы үлгі-өнеге. Мерекелеріңізбен аяулы да, құрметті ардагер ұстаздар

Ұстаздар күні қарсаңында гимназия оқушылары сүйікті ұстаздарына “Ұстазым менің, ұстазым” әнін арнады. Мерекелеріңізбен құрметті ұстаздар!

Үлкендерді сыйлау, құрмет көрсету - ұлтымыздың ежелден келе жатқан дәстүрі. Қарттар күні қарсаңында, кәсіподақ ұйымының ұйымдастыруымен, гимназиямызда еңбек еткен асыл жандарға дастархан жайылып, құрмет көрсетілді. Әрдайым, тынымсыз еңбегімен еліне қалаулы жандар - болашақ ұрпаққа өнеге болар.

Гимназиямызда бүгін мектеп президенті сайлауы өтті. Нәтижесі: 1. Жалел Ұлан - 56 ұпай - барлық дауыстың 18%; 2. Жукенов Ерен - 54 ұпай -17%; 3. Балжанова Айзере - 49 ұпай -16%; 4. Партияқызы Арайлым - 35 ұпай -12%; 5. Мустаханов Расул - 31 ұпай- 12%; 6. Сабиганова Аружан - 24 - 8%; 7. Ахметова Айдана - 22 ұпай - 7%; 8. Зейнулла Нұрислам - 17 ұпай - 5,6 ұпай; 9. Рымбек Мансур - 11 ұпай - 3,6 % 10.Нахметова Дания - 7 ұпай - 1 ,3%.

Елдің еңбекпен көркейетінін ескерсек, еңбек адамының қоғамда орны ерекше, абыройы биік. Халық еңбекке бейім болса, ел ырысқа кенеліп, өзгелермен терезесі теңеліп, байқуатты, бәсекеге қабілетті мемлекет болып нығаяды. Гимназиямыздың барлығымыз үшін жылы,әрі жайлы, таза әрі ыңғайлы, жарық болуын күнде қамтамасыз етіп отырған жандарға алғыс білдіреміз. Мерекелеріңіз құтты болсын

Еңбек күніне орай барлық сыныптарда "Еңбек - елдің мұраты" тақырыбында тәрбие сағаттары өтті. Тәрбие сағатында адал еңбек адамы дәріптеліп, қоғамға пайдасы, жеке қасиеттері насихатталды.

Әлемге аты әйгілі, орта ғасырлық сопылық әдебиеттің ірі өкілі, Қожа Ахмет Ясауи артына мәні өшпестей аса елеулі мұра қалдырды. Оның «Диуани Хикмет» атты екі әлемнің де мән-жайын сипаттайтын туындысы адамгершілік, имандылық, әділдік, инабаттылық тәрізді күрделі мәселелерді сипатттап ашып көрсетуге арналған. Ғұламаның өмірі мен еңбегіне арналған тәрбие сағаттары өткізілді.