Ата-аналарды педагогикалық қолдау орталығының ұйымдастыруымен 5”Б” сынып ата-аналарына “Тұлғаны қалыптастырудағы ата-ана мен мұғалімнің ролі” атты тақырыпта жиын өтті. Жағымды ахуал мен ынтымақтастықта жұмыс жасау мақсатында ата-аналар бір-бірімен түрлі тәсілдер арқылы амандасып, сәттілік тіледі.

“Спорт жұлдыздары” журналының ұйымдастыруымен өткен пневматикалық винтовкадан ату мен автоматты жартылай бөлшектеп жинау бойынша Республикалық байқауда гимназияның Алғашқы әскери дайындық пәні мұғалімі Мейрам Сағатұлы Джамалбаев жүлделі 1 орынды жеңіп алды. Құттықтаймыз!

Қаныш Имантайұлы Сәтбаевтың 125 жылдығына орай ата-аналар арасында дәстүрлі волейбол турнирі ұйымдастырылды. Турнирге 4-6 сынып ата-аналар командасы белсенді қатысып, тартысты ойын көрсете білді. Нәтижесінде: 1 орын 6”А” сынып ата-аналар командасы; 2 орын 5”Б” сынып ата-аналар командасы; 3 орын 5”Ә” сынып ата-аналар командасы.

Қаныш Сәтбаевтың 125 жылдығына орай МИФ апталығы аясында информатика пәнінің мүғалімі Эльмира Турагуловнаның ұйымдастыруымен «Tugan Gala» жобалар сайысы өткізілді. Сайысқа 8-10 сынып оқушыларынан құралған командалар қатысты. Жобаның мақсаты: жергілікті инфрақұрылымды жақсарту және туған қаламыздың көркейюіне үлес қосу. Жоба қатысушылары Ақсу қаласын көркейту бойынша өз идеяларын, 3d модельдеу программасында жасалған 3d модельдерді және жобаның презентациясын ұсынды.

2024 жылдың 15 ақпаны күні гимназияда «STEM ғылыми-техникалық білім негізі» жобасы аясында «Пәнаралық байланысты іске асыруға арналған ресурстар және STEM сабағын жобалау» тақырыбында семинар өтті. Семинарда ұстаздарды физика мұғалімі, халықаралық STEM тренері сертификатының иегері Атик Б.В оқытуда STEM технологиясының тиімділігін және 5 Е, PBL, инженерлік дизайн әдістерімен таныстырды.

МИФ апталығы шеңберіңде жоспарланған «Робоатжарыс» өтті. Бұл ерекше жарыста оқушылар өздері құрастырған ат тәріздес роботтарымен жарысты. Екі айналымда өткен бұл шарада оқушылардың бірмоторлы робот құрастыру қабілеттері сыңалды. Ал көрермендер қайсы бірінші келетінін болжап, бәс тікті.

Оқушылар арасындағы І облыстық кешенді гимназиядасында шаңғы тебуден гимназия командасы жүлделі І орынға ие болды. Құттықтаймыз!

12-16 ақпан математика, физика, информатика пәндерінің апталығы басталды. Апталықтың алғашқы күні танымдық ойындармен, робототехника сайысы өткізілді. Апталық аясында ашық сабақтар, Қаныш Сәтбаевтың 125 жылдығына арналған танымдық шаралар, квест, зияткерлік сайысы мен жобалар көрсетілімі жоспарланған.

Ата-аналарды педагогикалық қолдау мақсатында 7б сынып оқушыларына “Позитивті ата-ана болу” тақырыбында жиналыс ұйымдастырылды. Сынып жетекші Ғалия Ермековна бала бойындағы түрлі физикалық, психологиялық,эмоционалдық өзгерістерге тоқтала отырып, жасөспірім әрекетінде кездесетін түрлі мінез-құлықтарға қатысты мәлімдемелерді бағалауды ұсынды.

“Қаныш Сәтбаев атындағы дарынды балаларға арналған мамандандырылған гимназиясы” КММ 2024-2025 оқу жылына 5-сынып оқушыларын конкурс негізінде қабылдайды. Тіркеуді qabyldau.daryn.kz сайтында не мектепте 01.02.2024-15.04.2025 аралығында өте алады.

2024 жылдың 7 ақпаны күні Білім беруді дамытудың инновациялық орталығы мен Қаныш Сәтбаев атындағы дарынды балаларға арналған мамандандырылған гимназиясы қазақтың ұлы перзенті, ғұлама ғалым, тұңғыш академик Қаныш Сәтбаевтың 125 жылдығына арналған «Қаныш және әдебиет» атты семинар-практикум ұйымдастырды.

Алғашқы әскери дайындық жетекшілері арасында өткен “Пневматикалық винтовкадан ату мен автоматты жартылай бөлшектеп жинаудан" Республикалық турнирде “АВТОМАТ ЖИНАУ” бағыты бойынша гимназияның АӘД жетекшісі Джамалбаев Мейрам Сағатұлы жүлделі ІІІ орынды иеленді. Құттықтаймыз!