2024 жылдың 15 ақпаны күні гимназияда «STEM ғылыми-техникалық білім негізі» жобасы аясында «Пәнаралық байланысты іске асыруға арналған ресурстар және STEM сабағын жобалау» тақырыбында семинар өтті.
Семинарда ұстаздарды физика мұғалімі, халықаралық STEM тренері сертификатының иегері Атик Б.В оқытуда STEM технологиясының тиімділігін және 5 Е, PBL (проблемаға бағытталаған оқыту), инженерлік дизайн әдістерімен таныстыруды жалғастырып, ұстаздарға пәнаралық байланысты ұйымдастыру үшін сабақ құрылымымен, контекст мысалдары мен оларды құру алгоритмін үйретті. Мұғалімдер STEM сабағын жобалап практикалық жұмыстар жасады. Мұндағы мақсат бұл бағытта жұмыс істеу үшін мұғалімдердің жаңа технология туралы білімдерін кеңейтіп, сабақта қолдануына жағдай жасау. Алдағы уақытта осы бағытта ашық сабақтар жоспарланып өткізіледі.