2015 жылғы 1 қыркүйек күні Білім күніне арналған «Менің Отаным – Қазақстан» мерекесі және Бірыңғай Білім Сабағы өткізіледі.

Жыл сайын 1 тамыздан 30 қыркүйекке дейін «Мектепке жол» дәстүрлі жалпы республикалық қайырымдылық акция өткізіледі. Ағымдағы жылы бұл акция «Балаларға бірге көмек берейік!» ұранымен өткізіліп отыр. Акция мақсаты – аз қамтылған және көп балалы отбасылар, жетім балалар мен ата-анасының қамқорлығынсыз қалған балалар ішінен оқушыларға жаңа оқу жылына дайындық кезеңінде көмек көрсету болып табылады.

Облыс білім беру басқармасы ҚР БҒМ Республикалық оқу-әдістемелік және қосымша білім беру орталығы сырттай нысанда балаларға арналған «Жазғы қиял» және «Менің үздік селфиім» республикалық конкурстар өткізілетінін хабарлайды. Республикалық сырттай конкурстарына жалпы орта қосымша білім беру ұйымдары және колледждердің педагогтары, сондай-ақ білім алушылар қатыса алады.

«Өрлеу БАҰО» АҚ филиалы Білім беру жүйесінің басшы және ғылыми-педагогикалық қызметкерлердің біліктілігін арттыратын республикалық институтқа 50 жыл толуына орай 2015 жылдың 26-27 қараша аралығында «Педагогтардың біліктілігін арттыру және кәсіби дамуы» атты халықаралық ғылыми-тәжірибелік конференция, Педагогикалық идеялар фестивалін және информатика мұғалімдері үшін V Республикалық «Алтын диск» байқауын өткізеді.

Халықаралық Экология және Инженерия Ғылым Академиясы «Ұлағатты ұстаз» атты Республикалық байқауын өткізеді. Мақсаты: Республикамыздың білім жүйесіне үлкен үлес қосқан мұғалімдерді анықтау. Байқау 25.08.2015 жылы өткізіледі. Байқауға қатысу үшін мекеме басшысының ұсынымы, портфолио, сұраныс және панорамалық сабақ электронды түрде еcology_academy@mail.ru поштасына жіберіледі.

7 шілде күні Ақсу қалалық мұражайында Елбасы Н.Ә.Назарбаевтың туған күнінің 75 жылдығына орай "Ғасырдың ғажайып азаматы" атты мәнерлеп оқу сайысы ұйымдастырылды. Аталған сайысқа 6ә-сынып оқушысы Күнтаева Амина қатысып, жүлделі ІІІ орынды иеленді. Жеңімпазды және жетекшісі Дария Амантаевна Нургалиеваны құттықтаймызІ

Гимназия қабырғасында құрылған «Балдәурен» лагерінде қызықты да пайдалы өткізді. Лагерьдің жұмысына жауапты болған Жаксыбекова Меруерт Жеңісқызы басқаруымен сауықтыру лагерінде 65 оқушы, яғни 3 топ «Күншуақ», «Чемпион», «ЖасStar» өз демалысын мазмұнды өткізді. Әр күн сайын қызықты іс-шаралар ұйымдастырылды. Атап айтсақ «Рәміздер күні», «Тапқыр достар», «Қазына іздеушілер», «Дарабоз», «Стартинейджер», «Шебер қолдар» ...

12 маусым күні «Балдәурен» сауықтыру лагерінде «Қазына іздеушілер» ойыны өтті. Ойынға: «Күншуақ», «ЖасStar», «Чемпион» топтары қатысты. Әр топтың аты мен ұраны айтылып, топтарға аялдамалар белгіленген карта таратылды. Әр аялдамада топтар тапсырмаларды орындау арқылы қазына жасырылған картаның бөліктерін жинады. Қазынаны бірінші болып «Күншуақ» тобы жеңіске жетті.

Әр баланың өмірін күлкі мен мейірімге, шығармашылық пен қызыққа толтыру, әсіресе жазғы каникул кезінде өте маңызды. Сондықтан гимназияда «Балдәурен» жазғы сауықтыру лагері ұйымдастырылып, күнделікті қызықты шараларға толы мерекелер өткізілді. Балалар тек мектепте ғана емес, қалалық деңгейде өткен түрлі сайыстар мен байқауларға белсенділікпен қатысты. Сондай мерекелердің бірі «Сәлем әлем, сәлем дос!» фестивалі ...

2015 жылдың 26 маусым күні Павлодар облысы бойынша педагогикалық қызметкерлердің біліктілігін арттыру институты "Педагогикалық шеберлік - 2015" облыстық байқауын өткізді. Конкурстың қорытындысы бойынша гимназияның бастауыш сынып мұғалімі Кадырбаева Гулжахан Раиимовна "Тәжірибе, шығармашылық, табыс" номинациясы бойынша ІІ дәрежелі дипломымен марапатталды. Құттықтаймыз!

2015 жылдың 1-19 маусым аралығында «Зерде» бағдарлы лагері өз жұмысын атқарды. Бағдарлы лагерьге гимназияның 107 оқушысы қатысып, өз білімдерін тереңдете түсті. Жазғы уақытта «Зерде» бағдарлы лагерінің негізгі мақсаты дарынды оқушылармен жеке жұмыс істей отырып, олимпиадалар мен ғылыми сайыстарға дайындалу жұмыстарын жүргізу болды. «Зерде» бағдарлы лагерінің жұмысы екі бағытта жүргізілді: «Дарын» және «Сана».

2015 жылдың 5-маусым күні гимназияда қорытынды әдістемелік кеңес өтті. Әдістемелік кеңесте директордың ғылым жөніндегі орынбасарының К.М. Аккентаеваның жыл бойы істелген жұмыстар бойынша есебі тыңдалды. Гимназия директоры М.А.Касенова 2014-2015 оқу жылының қорытындысы бойынша бұйрықпен таныстырып өтті.