Павлодар қаласында «Рухани жаңғыру» бағдарламасы аясында «Елін сүйген, елі сүйген Елбасы» атты облыстық жастар айтысы өтті. Жастар бастамаларын дамыту орталығы ұйымдастырған жыр додасына біздің мектебіміздің аға тәлімгері Мақсатхан Алтынбек қатысып, қазылар алқасының шешімімен І орынға ие болды. Сонымен қатар Алтынбекке бағалы сыйлық ноутбук табыс етілді. Алтынбекті шын жүректен құттықтай отырып, шығармашылық табыс тілейміз!
Облыстық жас ақындар айтысын қадірлі меймандар тамашалады. Олардың қатарында танымал ақын, әдебиет порталының редакторы Бауыржан Қарағызұлы, республикалық «Егемен Қазақстан» газетінің тілшісі Ұларбек Нұрғалым, танымал ақын, жыршы Ықылас Ожай, әнші, 2016 жылғы «Қазақстан дауысы» жобасының жеңімпазы Мұратбек Хайролла және дәстүрлі әнші, бірнеше республикалық дәстүрлі ән байқауының жеңімпазы, «Мен қазақпын» мега жобасының қатысушысы Шерікбай Өзгеріс бар.
