Жыл сайын дәстүрлі түрде өтетін шығармашылық кеш  биылғы оқу жылы 19 мамыр күні мәжіліс залында салтанатты түрде өтті. Жиылған ата-аналар мен қонақтарға жыл бойығы оқушылар мен ұстаздар еңбегі мен жетістігі туралы ақпарат беріліп, түрлі шығармашылық топтар өз өнерлерін ортаға салды. Атап айтқанда  «Қазақстан таланттары»  Республикалық би сайысының  Гран  При  иегері, «Айналайын» сайысының  Гран-При, «Мюзик шоу»  байқауының  І орын иегері,  үлгілі Айгөлек би ансамбілі, туризм  тобы, «Мұрагер» домбыра ансамбілі. Мектеп директоры М.Касенова республикалық, облыстық  пән олимпиадасы мен жарыстардың жеңімпаздарын  естелік мүсіндермен, дипломдармен марапаттады. «Жыл оқушысы» болып 10 сынып оқушысы  Сейтахмет Еділ  атанды.