Алматы қаласында «Бөбек» Ұлттық ғылыми-практикалық білім беру және сауықтыру орталығының ұйымдастыруымен 2017 жылдың 16-21 сәуір аралығында Тукен Омаров атындағы Республикалық ғарыштық физика мен астрономиядан ғылыми жарыс өтті. Жарыстың басты мақсаты – оқушылардың астрономия, ғарыш физикасы саласы бойынша білімдерін нығайту және олардың халықаралық астрономиялық олимпиадалар және сайыстар мен турнирлерге қатысуға дайындау. Жарысқа қатысқан гимназияның 10 сынып оқушысы Қайырдолда Диас астрономия және ғарыш физикасы олимпиадасында I-ші орынға қол жеткізді. 2017 жылдың күзінде астрономиядан өтетін халықаралық олимпиадаға жас астроном Диастың қатысу мүмкіндігі бар. Диасты және жетекшісі Атик Б.В. құттықтай отырып, Халықаралық астрономиялық жарыста сәттілік тілейміз.