Гимназияда 28  қысқы универсиадаға арналған сынып сағаттары, сайыстар және  жаппай шаңғы жарысы өтті. 1-4 сыныптарда   «Қанатыңды кең серпі» ақпараттық стенді безендіріліп, оқушыларға таныстыру өткізілді. 1,2 сынып оқушылары универсиаданың өтілу орындары, белгілері, спорт түрлерімен таныса отырып, түрлі сұрақтарға жауап берді және әр оқушыға таныстыру буклеті  таратылды. 3-4 сыныптарда «Универсиада 2017» атты сынып сағаттары өтті. Оқушыларға спортшылар қалашығы туралы, универсиада тарихы туралы шағын бейнефильм көрсетіліп,  спорт түрлері мен суреттерді сәйкестендіру, универсиада тұмары туралы әңгімелеу сияқты тапсырмалар орындалды. 6-8 сынып оқушылары жаппай шаңғы жарысына қатысу арқылы өздерінің универсиада спортшыларына қолдауларын білдірді. Жалпы осы күні «Балауса» орталығы мүшелері  оқушыларға  радиоторап арқылы универсиаданың өтілуі, спортшылар, спорт түрлері және тарихы туралы  ақпараттар беріп, Қазақстандық спортшыларға жанкүйер болуға, салауатты өмір салтын ұстануға шақырды.