2016 жылы 2-қараша күні гимназияда «Бастауыш сыныпта бәсекеге қабілетті тұлғаны қалыптастырудағы шығармашылық жұмыстың рөлі» тақырыбында педагогикалық кеңес өтті. Педкеңесте директордың оқу ісінің орынбасары С.С. Джамалбаеваның «Шығармашылық қабілеттер теориясы мен даму факторлары» атты баяндамасы тыңдалып, «қабілет», «тұлға» ұғымдары, шығармашылық  үдерісінің кезеңдері,  баланың даму үдерісіне әсер етуші факторларына кеңінен тоқтады. Бастауыш сыныптың (А.Нахметова, М.Елубаева, А.Омарова) және информатика, ағылшын тілі, ырғақ пәні (Э.Абылгазина, М.Сыздыкова, Д.Зембаева) мұғалімдерінің баяндамалары, іс-тәжірибелері ортаға салынып, презентациялары көрсетілді. Оқушылардың тақырыптық ізденіс жұмыстары, бейнематериал жинақтамасы, мәтін мазмұнына суреттемелері, шағын шығарма жұмыстары, құрастырған өлеңдері, логикалық есептеулері, орындаған зияткерлік-танымдық тапсырмалары, тақырыптық-мерекелік би қойылымдары талданып, таныстырылды.  Шығармашылық мазмұнды тапсырмаларды тұрақты пайдаланып, сабақта оқушыларға дербестік пен еркіндік беру арқылы оларды бірлескен әрекеттер субьектісі жағдайына енгізсе, табысты нәтижеге қол жеткізері анық.