8 мамыр күні гимназияның Даңк залында ҰОС 70-жылдығына арналған «Бабалар ерлігі – ұрпаққа аманат» атты саптүзеу өтті. Саптүзеу барысында 1-4 сынып оқушылары соғысқа қатысқан аталары, олардың ерлік жайлы әңгімелесе, 5-10 сынып оқушылары жерлес батырларымызға арнап шығарған кітаптарын Даңк залындағы көрмеге қойды. Сондай-ақ бастауыш сынып оқушылары ардагерлер туралы өлең жолдарын оқып, ән арнады. 9ә-сынып оқушыларының ұйымдастыруымен «Ер есімі – ел ісінде» атты салтанатты жиын өтті. Оқушылар соғыс кезіндегі ардагерлердің хатын оқып, майдан кезінен көрініс көрсетті. Сондай-ақ «Соғыстан қайтқан солдаттар қазақ жігіттері» әні шырқалды.