2014 жылғы 18 маусымда облыстың барлық мектептерінде мектепті бітіру кеші өтті. Гимназия қабырғасынан 20 түлегіміз болашаққа жолдама алды. Ақсу қаласы және Ақсу ауданының мектептерінің түлектеріне арналған салтанатты кеш Мемлекеттік рәміздер алаңында өтті. Ақсу қаласының әкімі Қайрат Теміршотұлы Нүкенов барлық түлектерді салтанатты түрде құттықтады.  Қала әкімі Ақсу қаласы және ауданының түлектеріне «Алтын белгіні» табыс етіп, естелік сыйлық ноутбукты сыйға тартты.   Барлық түлектер мен педагогтарға арналған қазақстандық эстраданың танымал әртістері Әли Оқапов, Серік Ибрагимов, Серік Мусалимовтың  өнерлері көңілден шықты. Мектепті бітіру кеші шарларды ұшыру және мерекелік отшашумен аяқталды.