Құттықтаймыз!

15-наурыз күні гимназия директоры Сламбекова Рымкеш Хамитқызының басшылық еңбек жолына 30 жыл толды. Гимназия оқушылары Рымкеш Хамитқызын фойеде салтанатты түрде қарсы алды. Оқушылар атынан  11 сынып оқушысы Мухитов Қасымхан мен гимназия ұланы Қайыржанова Әдия жылы лебіздерін білдіре отырып құттықтады. Осыған орай  «Ұстаз дана, ұстаз дара, ұстаз ана» атты салтанатты жиын өтті. Жиынға қалалық білім бөлімінің бастығы Смагулов Қ.Т., кәсіподақ ұйымы жетекшісі Рустюмова Ж.К, ардагер ұстаз Қожабекова Р.Н қатысып,  құттықтады. Қайрат Теміржанұлы Ақсу қаласы әкімі Бакауов Б.Ж атынан Алғыс  хат оқып, гүл шоғын сыйға тарту етті. Ал гимназия ұжымы атынан  Ибраева Б.Ш құттықтау сөз сөйлеп, Ерхасова Қ.Б  Абайдың өлең жолдарын арнады. Бұл күні еңбегі көпке үлгі-өнеге, ел құрметіне бөленген Рымкеш Хамитқызын құттықтаушылар саны толастаған емес. Тынымсыз, ізденімпаз басшыға гимназия ұжымы шексіз ризашылығын білдіреді.