7-қыркүйек күні гимназияда Республикалық отбасы күніне орай «Отбасым –тірегім» атты акция өткізілді. Акция барысында оқушылар  Отбасылық эмблемаларды қорғаса, ата-аналар мерекеге орай құттықтаулар байқауына қатысты. Жоғары сынып оқушылары арасында отбасылық құндылықтарға орай шағын сайыс өткізіліп, сауалнамалар жүргізілді. Ал 1-4 сынып оқушылары өздерінің өнерлерін мәнерлеп өлең оқу,  «Менің отбасым - ең керемет» атты сурет байқауларында көрсете алды. Акция шеңберінде отбасында ұлттық дәстүрді, қолөнерді, құндылықтарды бала бойына сіңіруді мақсат еткен  отбасылардың шеруі өтті. Сондай отбасылардың бірі Алидарова Айданың ата-анасымен бірігін жасаған қолөнер бұйымдары таныстырылып, ата-аналарға сыйға тартылды. Ата-аналардың отбасылық тәрбие деңгейін арттыру мақсатында «Отбасы- адам баласының өсіп, өнеге алатын ұясы» атты кітапша таратылды.