12 қыркүйек 5 сынып ата-аналарына мектепішілік жиналыс ұйымдастырылды. Директордың тәрбие жөніндегі орынбасары Г.Бакирбекова ата-аналарға “Біртұтас тәрбие” бағдарламасының жүзеге асырылуы, мектебімізде енгізіліп жатқан жобалар, күнделікті, апта сайынғы шаралармен таныстырды. Сондай-ақ отбасымен ынтымақтастық құру, бірлесе атқаратын шаралар талқыланып, “Өнегелі 15 минут” шарасын ұйымдастыру бойынша ұсыныстар айтылды. Оқу жөніндегі директордың орынбасары С.Джамалбаева 5 сынып оқушыларының оқу жүктемесі, тереңдетілген пәндер туралы, ал педагог-психолог Н.Шаймарданова оқушылардың бейімделу ерекшеліктері, мектепте жүргізілетін психогиялық қызметтің мазмұны туралы, оқушылар арасында жәбірленудің алдын алу және ден қоятын жағдайлар туралы хабардар етті. Сондай-ақ мектептің
ішкі тәртібі, мектеп формасына қойылатын талаптар, ыстық тамақпен қамтылу, үйірмелерге қатысу мәселелері де талқыланды.