Жаз бойы балалар мектеп маңындағы жазғы сауықтыру лагерлерінде көңілді кезеңін өткізді. Әрбір лагерь тәрбиешілері балалардың күнделікті өмірін қызықты ойындар мен танымдық шараларға мол етіп өткізуге күш салды. Осындай лагерьлерде жұмыс жасаған  педагогикалық қызметкерлер, жаз бойы балалармен тиімді өткізген шараларын, барлық шеберліктерін облыстық «Бала достары» атты байқау-конкурсында көрсетті. Байқаудың мақсаты жазғы кезеңде балалармен әртүрлі нысанда жұмыс жасауға шығармашылық ізденісті қолдау болып табылды. Гимназияның «Балдәурен» жазғы лагерінің тәрбиешілері де осы конкурсқа қатысып, барлық шеберліктерін көрсете білді. Сайысқа қатысушылар  құзіретті қазылар алқасы назарына «Сәлеметсіз бе – бұл біз!» портфолиосын және «Біз – балалардың достарымыз!» атты шығармашылық  ұсынды. Конкурс қорытындысы бойынша гимназия командасы ІІІ жүлделі орынды  иеленді. Жеңімпаздар білім беру басқармасының дипломдарымен және сыйлықтармен марапатталды. Оқушылардың жазғы демалысын қызықты әрі тиімді өткізуге атсалысқан мұғалімдерге алғысымызды білдіреміз. Олар: Мухитова А.Б, Омаргалиева Ә.Қ, Солтанова Г.С, Ахметбекова Қ.Т, Уажанова Б.Б,Қуаныш Ж, Омарова А.Р, Куспанова А.Е, Оразымбетов А.А, Қадырбаева Г.Р.