Құқық онкүндігі аясында Ақсу қаласы прокуратурасы қылмыстық қудалау бөлімінің прокуроры К.Т.Байболатовпен “Жасөспірімдер арасында құқықбұзушылықтың алдын алу” тақырыбында кездесу ұйымдастырылды.
Кездесу барысында 14, 16 жасқа толған жасөспірімдердің әкімшілік, қылмыстық жауапкершілігі, қоғамдық орындардағы тәртіпті сақтаудың маңыздылығы, жеке бас жауапкершілігі мен жасөспірімдерге қатысты кейбір заңдардың маңыздылығы мен оларды бұзған кездегі жаза түрлері түсіндірілді. Жоғары сынып оқушылары прокуратура өкіліне өздерін толғандыратын сұрақтарды қойып, кеңес алды.Сондай-ақ құқық қорғау саласындағы мамандықтарға шолу жасалып, оқу орындары таныстырылды.