Республикалық акция аясында ата-аналармен “Тұрмыстық және отбасылық зорлық-зомбылықтың алдын алу маңыздылығы” атты семинар- тренингі ұйымдастырылды. Кездесу барысында балаларға қатысты отбасылық зорлық-зомбылықтың себебі мен салдары, мәселені шешу жолдары сөз болды. Тәрбие жөніндегі директор орынбасары Г.Бакирбекова отбасындағы өзекті мәселелерге тоқсалса, Аксу полиция лейтенанты Р.Нурмакина осы мәселенің өңірдегі жағдайына және шешудің құқықтық-нормативтік тұсын түсіндіріп өтті. ”НұрАна” қоғамдық қоры төрайымы, ата-аналар кеңесінің төрайымы Рымкеш Хамитқызы Сламбекова отбасылық құндылықтарды қалыптастыру, ұлттық құндылықтарды сіңіру арқылы зорлық-зомбылықты болдырмау, жас ұрпақ бойына жақсы қасиеттерді қалыптастырудағы қариялар роліне мейлінше терең тоқталды.
Кездесу соңында психолог Н.Шаймарданова шағын тренинг өткізіп, ата-аналардың пікірі мен ұсыныстарын ортаға салды.