Туған өлке тарихын әспеттеп, келер ұрпаққа жеткізу баршамыздың міндетіміз. Бұл жайында Елбасы"Болашаққа бағдар: рухани жаңғыру" мақаласында да ерекше атап көрсетті. Павлодар облысы тарихи тұлғалардың туған жері. Қазақстанға еңбегі сіңген көптеген ұлы адамдар, осы өңірден түлеп ұшты. Сондықтан жерлес академик, Ғылым академиясының тұңғыш президенті Қаныш Сәтбаевтың 120 жылдығына арналған "Қаныш және Қазақстан" конференциясының өткізілуі де заңдылық болар. Конференцияға 8-10 сынып оқушылары қатысты. Конференцияда Жандарбек Акрам академиктің зор еңбегі мен артына қалдырған мол мұрасына тоқталса, Мұқышев Жанболат жерлес ғалым Шапық Шөкиннің зор еңбегін, ал Калиякбарова Гүлназ Әлкей Марғұланның ғылым жолындағы мол мұрасын таныстырып өтті. Сондай-ақ ғылым додасына түсіп, зерттеу ісімен айналысып жүрген жас зерттеушілер Олжабай Алтынгүл, Жәнібек Жансая Негманова Дария мен Омурбаева Адель, Тастемір Гүлзат өз жұмыстарын көпшілікке таныстырып өтті. Жалпы конференция ғалымдарымыздың орасан еңбегін тағы бір саралап, ғылым жолындағы дара жолына мақтанышпен қарауға жетеледі.Осы тағылымы мол шараны ұйымдастырған қазақ тілі пәні мұғалімі Нургалиева Дария Амантаевнаға алғысымызды білдіреміз.