"Дарын" республикалық ғылыми-практикалық орталығының жұмыс жоспарына сәйкес Астана қаласында 7-9 қаңтар күндері 5-10 сынып оқушылары арасында қазақ тілінен "Тіл - мемлекет тәуелсіздігінің символы" қашықтық олимпиадасы өтті.

Олимпиаданың мақсаты лингвистикалық тұрғыдан талантты, мемлекеттік тілді қарым-қатынас, зияткерлік және рухани даму құралы ретінде меңгеруге қызығушылық танытатын оқушыларды анықтау және қолдау болып табылады.

Олимпиадаға гимназиядан 5-сынып оқушысы Нургалиева Медина мен 6-сынып оқушысы Шайфуллина Анель қатысты. Олимпиаданың қорытындысы бойынша Анель 1-орынға, Медина 2-орынга ие болды. Олимпиадаға дайындаған  қазақ тілі мұғалімдері Есенгожина Акмарал Еркеновна және Ержинбаева Райгуль Токановна. Ұстаздар мен оқушыларды жеңістерімен құттықтаймыз.