16-17 мамыр аралағында Астана қаласында «Қазақстандағы филологиялық білім беруді дамытудың негізгі басымдықтары» атты І филологтер съезі өтті. Съезге шетел, отандық ғалымдар мен қатар республиканың әр өңірінен келген делегаттар, соның ішінде біздің шаңырақтан қазақ тілі мен әдебиет пәнінің мұғалімі Дюсембаев Аскербек Құлтайұлы қатысып келді. Съезде тілдер үштұғырлығы, функциялық сауаттылықты дамыту мәселелері талқыланды.

17 мамыр күні Ақсу қаласының С.Дөнентаев атындағы мәдениет сарайында, Халықаралық, Республикалық байқаулардың жеңімпазы, «Айгөлек» би ансамбілінің есеп беру концерті және білім ордамызда дәстүрлі «Дарындыға дархан жол» атты шығармашылық кеш өткізілді. Жыл сайын, өзінің білімі мен шығармашылығы, ақылы мен парасаты арқасында, топты жарып шығып, биіктен көрінген, дарынды оқушыларымызды марапаттау дәстүрге айналды.

«Дарын» Республикалық ғылыми-практикалық орталығы «Тарих ата» республикалық қашыктық олимпиадасының қорытынды кезеңін 2013 жылдың 13-15 мамыр күндері аралығында «Балдаурен» республикалық оқу-сауықтыру орталығының базасында өткізді. Мектебімізден қатысқан 5 сынып оқушысы Қалиева Дильназ жүлделі І орынға, 6 сынып оқушысы Боранбай Бихан ІІ орынды иеленді. Дайындаған мұғалімдері Ибраева Б.Ш. Құттықтаймыз!

18 мамыр күні cағат 18.00-де С.Дөнентаев атындағы қалалық мәдениет сарайында облыстық «Ертіс толқыны» байқауының І орын, Республикалық «Айналайын» фестивалінің Гран-При, Халықаралық «Күншуақ» байқауының І орын иегері «Айгөлек» би ансамбілінің және гимназияның «Дарындыға - дархан жол» атты шығармашылық кеші өтеді. Қала тұрғындары мен қонақтарын, ата-аналарды кешке шақырамыз. Билетті гимназиядан алуға болады.

13 мамыр күні гимназияның мәжіліс залында Қалалық «Нұр Отан» ХДП филиалымен бірлесе «Елімнің тағдыры – менің тағдырым!» атты жастар форумы ұйымдастырылды. Осы форумға қала әкімінің орынбасары Бегзия Зейнулловна, әкімі апаратының қызметкері Ардақ Тәттімбетұлы, қалалық білім бөлімінің бастығы Қайрат Теміржанұлы, ақпарат орталығының директоры Айдос Рысымбетұлы шақырылды.

9-мамыр Жеңіс күніне орай Мәңгілік алау жанында қалалық митинг өткізілді. Елін, жерін жаудан қорғап қалған аталар ерлігіне тағзым ету, жастар бойында елжандылықты тәрбиелеу мақсатында гимназияның 8-10 сынып оқушылары таңғы 8.00-ден 14.00-ге дейін мәңгілік алау жанында естелік вахтасында тұрды.

Құрметті Ұлы Отан соғысының қатысушылары мен тыл еңбеккерлері! Сіздерді Ұлы Жеңістің 68 жылдығымен шын жүректен құттықтаймыз! Ауыр күндердегі адал еңбектеріңіз бен белсенді азаматтық ұстанымдарыңыз үшін бас иіп алғыс білдіреміз! Сіздерге мықты денсаулық, бақыт, ұзақ ғұмыр тілеміз!

9 мамыр Жеңіс күні қарсаңында гимназияның 1-4 сынып оқушылары арасында «Отанға қызмет - құрметті іс» атты суреттер байқауы өтіп, оқушылардың суреттерінен мектеп фойесінде көрме ашылды. 10-сынып оқушыларынан құралған «ЖасҰлан» тобы облыстық «Ту ұстаушылар» байқауына қатысып, сертификатпен марапатталды. 7-мамыр күні ҚР Қарулы Күштері күніне және Жеңіс күніне арналған «Жеңіс біздің жүрегімізде» атты салтанатты шара өткізілді.

Құрметті гимназияның ер азаматтары! Сіздерді Отан қорғаушылар күні - жалпы халықтық мерекемен, жігерлі адамдар және ерік күші иелері күнімен құттықтаймыз! Бүгінгі ерекше күні Сіздерге шын жүректен бақыт пен татулық, әрбір отбасына ізгіліктер мен игіліктер тілейміз. Ержүрек және жігерлі адамдардың бұл мерекесі әрдайым қуаныш пен бейбіт күн әкеле берсін! Ардагерлеріміздің дені сау болып, солдаттар мен офицерлеріміз табысты қызмет ете берсін!

2 мамырда ынтымақ пен бірлік күні аясында Жас Ұлан ұйымының қатарына қабылдау салтанаты болып өтті. Жас ұлан республикалық ұйымының қатарына оқушыларды қабылдау рәсімін өткізу ұстаздарға, ал Жас қыран қатарына жоғары сынып оқушыларының жасұландықтарына берілді.

24 сәуір күні 5-6 сынып оқушылары арасында І облыстық кешендік олимпиадасының қорытынды кезеңі өтті. Оқушылар жаратылыстану ғылымы мен математикалық бағыт бойынша жаңа форматты тапсырмаларды орындады. Олимпиада қорытындысы бойынша Ақсу қаласының дарынды балаларға арналған гимназиясының 6-сынып оқушысы Манарбек Магрифе ІІ орын иеленді.

2013 жылы 24 сәуірде Ақсу қаласының Жаяу Мұса атындағы колледжінде «ЕХРО-2017» Республикалық байқау аясында «Жасыл энергетика» атты қалалық инновациялық жобалар сайысы өткізілді. Сайыста жүлделі І орынға 8-сынып оқушылары Қабылбекова Айым және Ермеков Әділет, ІІІ орынға 9-сынып оқушысы Хайргельдин Асқар ие болып, ақшалай сыйлықпен марапатталды. Жетекшісі: биология пәнінің мұғалімі Ұміт Қабиденқызы Мұханова